«Kali danych nie znajšli, to, mahčyma, ich naohuł nie było». Litoŭski ministr patłumačyŭ, jak milicyjant Macijevič moh prajści praz pravieračnaje sita
Ministr nacyjanalnaj abarony Litvy Arvidas Anušaŭskas śćviardžaje, što major milicyi Alaksandr Macijevič, jaki ŭdzielničaŭ u zadušeńni pratestaŭ u Biełarusi, atrymaŭ dazvoł na pražyvańnie i pracu ŭ Litvie tamu, što ŭ jahonym vypadku nie spracavała sistema pravierki, paviedamlaje Delfi.lt.
«Ja nie viedaju, čamu hetaja sistema kantrolu nie spracavała. U kožnym razie heta pavinna było spracavać, tamu što ŭ svoj čas fiksavałasia, chto ŭdzielničaje ŭ pieraśledzie hramadzian u Biełarusi, kab nie vydavać im vizy i ŭklučyć u hetyja śpisy ludziej, jakija padpadajuć pad sankcyi», — prakamientavaŭ situacyju Arvidas Anušaŭskas žurnalistam.
«Ale ŭ dadzienym vypadku hety miechanizm nie spracavaŭ. Sapraŭdy heta vyhladaje vielmi prykra», — panarakaŭ ministr.
Anušaŭskas taksama pryznaje, što pry praviercy i vydačy dazvołaŭ na časovaje pražyvańnie i pracu ŭ Litvie pracedury čaściakom vykonvajucca aŭtamatyčna.
«Kali niejkija danyja nie znojdzienyja, to, mahčyma, takich danych pra jaho naohuł nie było. Tamu prosta vydajecca dazvoł, nie ŭnikajučy, tamu što ŭ Litvie ciapier pracujuć 100 tys. zamiežnych hramadzian, moža i bolš», — skazaŭ ministr.
«Ale heta nie vyzvalaje našy ŭstanovy ad abaviazku prymać usie miery dla taho, kab takija piersanažy, jakija vyznačylisia parušeńniami pravoŭ čałavieka, pieraśledami i źbićciom ludziej, nie apynalisia ŭ Litvie», — dadaŭ jon.
«Kali takich ludziej buduć sotni i tysiačy, my sutykniemsia z surjoznaj pahrozaj». Kiejs byłoha milicyjanta Macijeviča ŭzrušyŭ litoŭskich palitykaŭ
Major milicyi, jaki ŭdzielničaŭ u represijach u 2020 hodzie, bolš za hod žyŭ i pracavaŭ u Litvie. Jaho vykryła dyjaspara
Urad Litvy ŭchvaliŭ prapanovu ab stražejšym kantroli biełarusaŭ na miažy
Kamientary