Hałoŭny adept ruskaha mira i SSSR pralacieŭ mima parłamienckich vybaraŭ
U 2020 sibirak Andrej Ivanoŭ z takim ža pośpiecham bałatavaŭsia ŭ prezidenty.
Andrej Ivanoŭ — trahikamičny ideołah, jaki ŭ 2010-ja jeździŭ pa Biełarusi i čytaŭ lekcyi pra masonaŭ i pahrozu NATO. Jon adept «ruskaha śvietu» i SSSR. Pierakanany, što razvał SSSR byŭ niezakonnym, a Biełaruś ad 1991 hoda znachodzicca ŭ akupacyi.
Tym nie mienš Ivanoŭ sprabuje prarvacca va ŭładu ŭ Biełarusi. U 2020 hodzie jaho nie zarehistravali kandydatam u prezidenty, bo jon naradziŭsia ŭ sibirskim Tomsku, a nie na terytoryi krainy.
Adnak Ivanoŭ nastojlivy, jon vyrašyŭ nie prapuścić chacia b parłamienckaj kampanii. Nibyta sabraŭ podpisy ŭ svaju padtrymku i adnios ich u kamisiju pa Śvisłackaj akruzie № 95. Heta taja akruha, dzie ŭzhodnieny pieramožca — prapahandyst-dypłamat Alaksandr Špakoŭski.
Patreby ŭ Ivanovie, vidavočna, nie było. Kamisija nie zarehistravała adepta SSSR, znajšoŭšy farmalnyja pamyłki ŭ jaho dakumientach.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary
Moža, hodzie ahitavać