U samym sercy staroha Minska pradajecca staradaŭni budynak sa znakavym kaliści restaranam. Cana prosta kaśmičnaja
Na handlovaj placoŭcy «Centr pramysłovaj acenki» źjaviłasia cikavaja abjava: na aŭkcyjon vystaŭleny staradaŭni budynak z restaranam.
Łot nazyvajecca administracyjnyja budynki z abjektami handlu i hramadskaha charčavańnia RTUP «Handlovy dom «Lehpram». Znachodziacca jany ŭ Rakaŭskim pradmieści Minska pa adrasie vuł. Rakaŭskaja, 18, piša Blizko.by.
Hety budynak 1872 hoda pabudovy. Da revalucyi — abutkovaja fabryka «Skarachod». U mižvajenny čas — pančošna-škarpetkavaja fabryka «Čyrvony tekstylščyk».
Paśla vajny — Minski technikum lohkaj pramysłovaści. Paśla pierajezdu technikuma ŭ 1975 h. — abjadnańni «Biełtekstylpram» i «Biełtrykatažpram». Nie raniej 1978 h. — Respublikanski halinovy vyličalny centr Ministerstva lohkaj pramysłovaści BSSR. Jak bačym, prynaležnaść da śfiery lohkaj pramysłovaści zachavałasia da hetaha času.
U cokalnym paviersie budynka raźmiaščajecca restaran «Panski dranik». Raniej na hetym ža miescy bolš za dziesiać hadoŭ pracavaŭ restaran «Tałaka».
Pačatkovy košt łota składaje 3.928.172 rubla 44 kapiejki. Dla ŭdziełu nieabchodna pakinuć zadatak u pamiery 10% ad startavaj cany. Krok aŭkcyjonu składaje 196.408 rubloŭ 63 kapiejki.
Akramia taho, pieramožca tarhoŭ pavinien budzie apłacić uznaharodžańnie arhanizataru tarhoŭ — 2% ad cany prodažu łota, a taksama 600 rubloŭ vydatkaŭ.
Takim čynam, vynikovaja cana staradaŭniaha budynka z restaranam składzie minimum 4.207.673 rubla, abo prykładna 1.321.671 dalar.
Aŭkcyjon adbudziecca 21 lutaha ŭ 13:00.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady5
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary