«Chachoł, tabie p*** kankretna». Ukraincy źniščyli rasijskaha vajenkara VIDEA
Rasijskaha vajennaha karespandenta i apieratara dronaŭ «Majsieja» zabili 18 studzienia ŭ Krynkach pad Chiersonam.
«Žadaješ śmierci bajevikam USU? Padtrymlivaj ruskuju armiju!», «Pryjšoŭ čas zrabić svaju inviestycyju ŭ likvidacyju ŭkrainskaj dziaržaŭnaści!», «Chachoł, tabie p*** kankretna». Takimi i padobnymi da ich vykazvańniami poŭniŭsia telehram-kanał «Moisiej. Svodki s fronta». U im było kala 15 tysiač padpisčykaŭ.
Apieratar bieśpiłotnikaŭ z pazyŭnym «Majsiej» znachodziŭsia ŭ Krynkach na levym bierazie Dniapra pad Chiersonam, dzie ŭ listapadzie minułaha hoda zdoleli zamacavacca ŭkrainskija vajskoŭcy. U apošnija dni ŭ hetym rajonie iduć žorstkija bai. Rasijski bok sprabuje vykarystać umovy nadvorja, dla taho, kab vycieśnić praciŭnika. Dniepr pakryŭsia lodam, što nie dazvalaje nakiroŭvać u Krynki padmacavańnie tradycyjnym šlacham na humovych łodkach. U toj ža čas lod dastatkova tonki dla taho, kab pa im prajšła vajennaja technika.
Niahledziačy na heta, jak paviedamlajuć sami rasijskija vajenkary, u ŭkraincaŭ atrymlivajecca padmacoŭvać svoj płacdarm. USU zdoleli prakłaści pa tonkim lodzie maršruty ŭ Krynki z vostrava Frałova praz rečku Konku. A z dapamohaj dronaŭ na vostraŭ zakidvajuć bojekamplekty i pradukty.
Ukraincy z usich sił trymajuć płacdarm. Bai iduć žorstkija. «U Krynkach piekła» — tak acharaktaryzavaŭ situacyju za niekalki hadzin da svajoj hibieli «Majsiej».
Jak paviedamlajecca, z dapamohaj dronaŭ jon zajmaŭsia vysočvańniem łodak z ukrainskim desantam u Krynkach.
Učora ŭkrainskija siły abarony źniščyli varožy raźlik udarnych bieśpiłotnikaŭ. Akramia «Majsieja» zahinuła jašče niekalki rasijan. Pra hibiel muža a 2-j hadziny nočy 19 studzienia napisała jaho žonka. Viadoma, što bajca zvali Eduard.
Chiersonskaja obł., naši dni, horit hniezdo rašistskich dronovodov, triejler https://t.co/Xw9E8J1SZT #RussianUkrainianWar pic.twitter.com/oNRIBBkkJp
Kadry źniščeńnia bazy apierataraŭ zjavilisia ŭ sacyjalnych sietkach.
Čytajcie jašče:
Navošta ŭtrymlivać ukrainski płacdarm na levym bierazie Dniapra? Tłumačyć ekśpiert
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary