Samaha staroha sabaku ŭ śviecie pazbavili tytuła. Jość tryvałaje padazreńnie, što jon našmat maładziejšy
Raniej pisałasia, što jon pamior, pražyŭšy 31 hod, na vosiem hadoŭ pieražyŭšy inšaha sabaku.
Partuhalski sabaka Bobi, samy stary sabaka ŭ śviecie, pazbaŭleny zvańnia da zaviaršeńnia rasśledavańnia. Sabaka trapiŭ u Knihu rekordaŭ Hiniesa ŭ lutym 2023 hoda — tady jamu było 30 hadoŭ i 268 dzion. Va ŭzroście 31 hoda i 163 dzion Bobi pamior, piša Postimees.ee.
«My vyrašyli časova prypynić prysvajeńnie tytułaŭ «najstarejšamu z sabak» — da taho času, pakul nie apublikujem vyniki rasśledavańnia», — paviedamili ŭ Knizie rekordaŭ Hiniesa.
Sumnievy ŭ sapraŭdnaści rekordu paŭstali z-za fatahrafij, nibyta zroblenych u maładości Bobi. Na zdymkach u sabaki biełyja łapy, a ŭ bolš stałym uzroście łapy čamuści stali karyčnievymi.
Bobi byŭ zarehistravany ŭ bazie danych chatnich žyvioł Partuhalii ŭ 2022 hodzie, za paŭtara hoda da svajoj śmierci. Datu naradžeńnia paćvierdzili dziaržaŭnaja baza źviestak chatnich žyvioł i Nacyjanalny sajuz vieterynaraŭ. Haspadar Bobi śćviardžaŭ, što sabaka naradziŭsia ŭ 1992 hodzie, ale supracoŭnik bazy źviestak zajaviŭ, što ŭ arhanizacyi «niama danych, jakija mahli b paćvierdzić abo abvierhnuć heta śćviardžeńnie».
Vidavočna, pryčynaj rekordu stała kiepskaja pravierka faktaŭ. Ź inšaha boku, sistema rehistracyi sabak, narodžanych da 2008 hoda, stała abaviazkovaj u Partuhalii tolki ŭ kastryčniku 2020 hoda.
Mahčyma, Bobi sapraŭdy naradziŭsia ŭ 1992 hodzie, ale ŭ jaho ŭładalnika adsutničali dakumienty, jakija paćviardžajuć hety fakt.
Paśla rasśledavańnia Knihi rekordaŭ tytuł najstarejšaha ź ciapierašnich sabak moža viarnucca da Spajka, čychuachua z ZŠA, jaki hod tamu trapiŭ u hanarovy śpis va ŭzroście 23 hadoŭ.
Adnak haspadyni Spajka niadaŭna paviedamili, što arhanizacyja pierahladaje mietady pravierki rekordaŭ uzrostu žyvioł, tamu joj daviadziecca paćvierdzić rekord u novaha vieterynara.
Da źjaŭleńnia Bobi rejtynh samych starych sabak za ŭsiu historyju ŭznačalvaŭ aŭstralijski pastuchovy sabaka Blu, jaki pražyŭ 29 hadoŭ 160 dzion i pamior u dalokim 1939 hodzie.
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?3
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary