Navošta ŭ novych aŭtamabilnych aptečkach buduć termakoŭdra i śpiecyjalnyja nažnicy
Z hetaha hoda źmienieny abaviazkovaje źmieściva aptečak u aŭto. U Ministerstvie achovy zdaroŭja raspaviali sens pieramienaŭ.
Pavodle hałoŭnana doktara Centra miedreahavańnia Ministerstva achovy zdaroŭja Dźmitryja Alchovika, novaja namienkłatura aptečak u aŭto stała bolš praktyčnaj.
«Zastalisia bakterycydnyja płastyry, binty, a taksama marlevyja survetki i indyvidualny pieraviazačny pakiet. Jon byŭ tudy źmieščany naŭzamien vaty. Taksama dadadziena tak zvanaja avaryjnaja koŭdra-nakidka, jakaja dapamahaje jak pry śpiakocie, tak i ŭ chałodnuju paru hoda.
Naprykład, kali kiroŭca na trasie z małoj kolkaściu aŭtamabilaŭ zahłuch i ŭ jaho pry hetym nie pracuje telefon, hetaja koŭdra dazvolić na praciahu niekalkich hadzin čakać dapamohi i nie źmierznuć. Taksama dadali novyja nažnicy: tyja, jakija byli raniej, nie dazvalali razrezać pry nieabchodnaści vopratku i remień biaśpieki ŭ vypadku jaho zaklinoŭvańnia», — skazaŭ jon.
Na vypusk aptečak novaha ŭzoru vytvorcy całkam pavinny pierajści da 1 studzienia 2025 hoda. A vykarystoŭvać staryja aptečki aŭtamabilisty zmohuć da zakančeńnia ich terminu prydatnaści.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ5
Kamientary