Były mahiloŭski žurnalist Jaŭhien Hłuškoŭ znachodzicca ŭ izalatary
Suviaź z žurnalistam prapała 4 studzienia.
Siłaviki zatrymali byłoha mahiloŭskaha žurnalista i videaapieratara Jaŭhiena Hłuškova, ciapier jon znachodzicca ŭ IČU, raspavioŭ «Miedyjazonie» znajomy zatrymanaha.
Pra toje, što Hłuškoŭ daŭno nie vychodzić na suviaź i moža być zatrymany, paviedamili pravaabaroncy z Mayday Team. Hłuškoŭ źviazvaŭsia sa znajomymi 4 studzienia, paśla hetaha jon źnik — doma jon nie źjaŭlaŭsia, nikomu nie pisaŭ i nie stelefanoŭvaŭsia.
Pa słovach znajomaha, Hłuškoŭ žyŭ adzin, z žonkaj i synam kantakt apošni čas nie padtrymlivaŭ. Zatrymali mužčynu 4-5 studzienia.
Jak Hłuškova vyvodziać milicyjanty, bačyli susiedzi zatrymanaha. Jašče adzin znajomy byłoha žurnalista raspavioŭ, što Hłuškoŭ ciapier pad śledstvam. Pra heta žonku zatrymanaha apaviaściŭ śledčy.
Pa jakim artykule ŭ dačynieńni da Hłuškova raspačataja sprava — nieviadoma.
Jaŭhien Hłuškoŭ — były mahiloŭski žurnalist, u 1990-ja i 2000-ja pracavaŭ na haradskim telebačańni, paśla hetaha supracoŭničaŭ z roznymi haradskimi partałami.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary