Łukašenka značna pavysiŭ myty na šampuni z «krain anhłasaksonskaj hrupy»
12 studzienia Alaksandr Łukašenka padpisaŭ ukaz № 16 «Ab časovym ustanaŭleńni stavak uvaznych mytnych pošlin», paviedamlaje jahonaja pres-słužba. Ukaz «skiravany na abaronu ekanamičnych intaresaŭ Biełarusi i stvaraje ŭmovy dla zamiaščeńnia adpaviednaha impartu tavarami, vyrablenymi ŭ JEAES».
Dakumientam pa 30 červienia ŭklučna ŭstanoŭlenyja pavyšanyja staŭki ŭvaznych mytnych pošlin (35% ad mytnaha koštu) na šampuni, srodki dla vałasoŭ i srodki dla čystki zuboŭ, jakija pachodziać z «krain anhłasaksonskaj hrupy (ZŠA, Vialikabrytanija, Kanada, Aŭstralija, Novaja Ziełandyja)».
U adzinaj tavarnaj namienkłatury źniešnieekanamičnaj dziejnaści Jeŭrazijskaha ekanamičnaha sajuza srodki dla čystki zuboŭ i srodki dla vałasoŭ adnosiacca da 33-j hrupy tavaraŭ, na jakija raspaŭsiudžvajecca staŭka ŭvaznoj mytnaj pošliny (u pracentach ad mytnaha koštu abo ŭ jeŭra, abo ŭ dołarach ZŠA) — 6,5%.
Takim čynam, staŭki pošliny pavyšanyja prykładna ŭ 5,4 razu, adznačaje «Pozirk».
Kamientary