U śniežni ŭ Biełarusi było pradadziena ŭdvaja bolš lehkavych aŭtamabilaŭ, čym letaś
Za śniežań 2023 hoda ŭ Biełarusi było pradadziena novych lehkavych aŭtamabilaŭ u 2,07 raza bolš, čym za toj ža miesiac 2022-ha, śviedčać danyja Biełaruskaj aŭtamabilnaj asacyjacyi (BAA).
Pavodle infarmacyi kampanij, jakija ŭvachodziać u skład BAA, «sumarnyja prodažy lehkavych aŭtamabilaŭ i lohkaj kamiercyjnaj techniki» ŭ minułym miesiacy dasiahnuli 3 480 (u listapadzie — 3 057).
«Padobnyja prodažy źjaŭlajucca najlepšymi ŭ absalutnym vyjaŭleńni pa kolkaści pradadzienych mašyn za pieryjad 2022-2023 hadoŭ, — havorycca ŭ paviedamleńni. — Abjom prodažaŭ novych lehkavych aŭtamabilaŭ u pradstaŭlenaj vyšej ličbie składaje 2 907 štuk, ci 83,5% rynku. Astatnija 16,5% prypadajuć na lohkuju kamiercyjnuju techniku — 573 aŭtamabili».
Bolš za ŭsio było pradadziena aŭtamabilaŭ Geely (biełaruskaj zborki) — 2 076 adzinak. Takim čynam, dola pradukcyi «BiełDžy» na rynku novych lehkavych aŭto ŭ śniežni skłała 71,4%.
Čytajck taksama:
Dziasiatki biełarusaŭ papalisia na «lohkich hrašach» pry razmytnieńni čužoha aŭto
Ciapier čytajuć
Turecki łaŭreat premii Čečki byŭ u zachapleńni ad Biełarusi i režymu ŭ joj. A paśla trapiŭ na Akreścina9
Kamientary