U ministra abarony ZŠA Łojda Ościna dyjahnastavali rak prastaty. Z-za ŭskładnieńniaŭ paśla apieracyi kiraŭnika Pientahona ŭ pačatku hoda terminova špitalizavali, paviedamlajuć amierykanskija ŚMI.
Pavodle zajavy špitala, miedahlad u pačatku śniežnia 2023 hoda vyjaviŭ u Ościna rak prastaty na rańniaj stadyi. Apieracyja prajšła pad ahulnym narkozam 22 śniežnia, a na nastupny dzień kiraŭnik Pientahona byŭ vypisany z balnicy.
Adnak užo 1 studzienia Ościna znoŭ špitalizavali z mocnym bolem u žyvacie, jaki staŭ vynikam uskładnieńniaŭ apieracyi. Pieršasnaje abśledavańnie vyjaviła infiekcyju močavydzialalnych šlachoŭ.
«2 studzienia było pryniata rašeńnie pieravieści jaho ŭ adździaleńnie intensiŭnaj terapii dla pilnaha nazirańnia i bolš vysokaha ŭzroŭniu dohladu. Dalejšaje abśledavańnie vyjaviła skapleńnie vadkaści ŭ brušnoj połaści, što parušyła pracu tonkaha kišečnika», — dadali ŭ balnicy.
Taksama tam padkreślili, što z 1 studzienia ministr abarony ZŠA ni razu nie straciŭ prytomnaść i nie byŭ pad narkozam. Ciapier paślaapieracyjnyja ŭskładnieńni ŭdałosia likvidavać i Ościn praciahvaje papraŭlacca, havorycca ŭ paviedamleńni.
Ciapier čytajuć
Babaryka: Kali b my pieramahli — vajny va Ukrainie nie było b29
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»88
Kamientary
už vam li nie znať, kak zahladyvajut pri prijemie na niekotoryje słužby v popu
i pri etom obriezajetie žienŝin
da vi śviatoj