U Šviejcaryi Virta ličać adnym z baćkoŭ-zasnavalnikaŭ infarmatyki i śfiery kampjutarnych technałohij u cełym.
U Šviejcaryi va ŭzroście 89 hadoŭ pamior prafiesar Vyšejšaj techničnaj škoły Ciurycha Nikłaŭs Virt — adzin ź pieršaprachodcaŭ u halinie prykładnoj matematyki i infarmacyjnych technałohij, najbolš viadomy jak stvaralnik movy prahramavańnia Pascal, piša Bi-bi-si.
U niekrałohu, apublikavanym na sajcie ŭniviersiteta, dzie prafiesar Virt prapracavaŭ bolš za 30 hadoŭ, paviedamlajecca, što navukoviec pamior jašče 1 studzienia, u kole siamji.
«Praca i entuzijazm Virta adyhrali fundamientalnuju rolu ŭ raźvićci sučasnaha śvietu infarmacyjnych technałohij, — havorycca ŭ paviedamleńni. — Jaho dasiahnieńni ŭ hetaj śfiery i dahetul akazvajuć vyrašalny ŭpłyŭ na infarmatyku i novyja pakaleńni prahramistaŭ».
Cyrymonija raźvitańnia z prafiesaram Virtam pryznačanaja na čaćvier i projdzie ŭ Ciurychu, u zale kaplicy Hrośmiunster na terytoryi Staroha horada, dzie raźmieščany miascovy kulturny centr.
U Šviejcaryi Virta ličać adnym z baćkoŭ-zasnavalnikaŭ infarmatyki i śfiery kampjutarnych technałohij u cełym.
Doktarskuju dysiertacyju na hetuju temu jon abaraniŭ jašče ŭ 1963 hodzie ŭ kalifarnijskim Bierkli, paśla čaho viarnuŭsia na radzimu, pieratvaryŭšy Ciurych u adzin ź viadučych suśvietnych centraŭ infarmacyjnych technałohij.
Adnak pa-za miežami krainy jon viadomy ŭ pieršuju čarhu jak stvaralnik šmatlikich papularnych moŭ prahramavańnia, samaja viadomaja ź jakich — ałharytmičnaja mova Pascal.
Stvorany ŭ 1970 hodzie, Pascal byŭ prostym (intuityŭna zrazumiełym), elehantnym i vielmi hnutkim srodkam znosin z vyličalnymi mašynami, što dazvoliła jamu nieŭzabavie stać samaj raspaŭsiudžanaj kamiercyjnaj movaj prahramavańnia ŭ śviecie, jakuju ŭ abaviazkovym paradku vyvučali studenty ŭ dziasiatkach krain.
U 1984 hodzie za jaje raspracoŭku Virt byŭ uhanaravany prestyžnaj premijaj Ciurynha — najvyšejšaj prafiesijnaj uznaharodaj u halinie infarmatyki.
Paśla na asnovie Pascal byli stvorany i inšyja ałharytmičnyja movy prahramavańnia.
Ciapier čytajuć
Miaža Biełarusi ź Litvoj budzie zakryta minimum da sierady10
Kamientary