Akcior Kryścijan Olivier razam ź dźviuma małymi dočkami trahična zahinuŭ na Karybach
Trahiedyja zdaryłasia na Sent-Vinsencie i Hrenadzinach učora dniom.
Akcior Kryścijan Olivier, dźvie jaho maleńkija dački i piłot zahinuli paśla taho, jak samalot upaŭ u Karybskaje mora, piša CBSnews.
Karaleŭskaja palicyja Sent-Vinsenta i Hrenadzinaŭ paviedamiła, što 51-hadovy Olivier, jaki nazvany ŭ zajavie svaim sapraŭdnym imiem Kryścijan Kleśpier, i dočki Madzita, 12 hadoŭ, i Anik, 10 hadoŭ, znachodzilisia na borcie nievialikaha samalota. Piłot byŭ identyfikavany jak miascovy žychar i ŭładalnik samalota Robiert Saks.
Pradstaŭniki Oliviera taksama paćvierdzili jaho śmierć, paviedamiŭšy CBS News, što ich «dumki i malitvy ź im, dźviuma jaho dočkami i jaho siamjoj».
Palicyja paviedamiła, što samalot upaŭ u mora prykładna za milu ad uźbiarežža vostrava Nevis dzieści paśla 12:00. Pa słovach uładaŭ, samalot nakiroŭvaŭsia ŭ Sent-Lusiju, raźmieščanuju prykładna za 65 milaŭ, ale praź niekalki imhnieńniaŭ paśla ŭźlotu ŭpaŭ u akijan.
Kryścijan Olivier naradziŭsia ŭ Hiermanii, paźniej jon pierajechaŭ u ZŠA, dzie pracavaŭ madellu i braŭ uroki akciorskaha majsterstva.
Atrymaŭ šyrokuju viadomaść dziakujučy rolam u filmach «Apieracyja «Valkiryja», «Hrymučyja źmiei» i «Chutkasny honščyk». Jon taksama zdymaŭsia ŭ sieryjałach «Śpiecatrad «Kobra», «Vośmaje pačućcio», «Paralelnyja suśviety» i «Inśpiektar Džordž Džentli».
Kryścijan apublikavaŭ 1 studzienia paviedamleńnie pra toje, što jon i jaho siamja «Dzieści ŭ rai».
Ciapier čytajuć
Što Babaryka i Kaleśnikava adkazali na pytańni pra vajnu90
Kamientary