Акцёр Крысціян Олівер разам з дзвюма малымі дочкамі трагічна загінуў на Карыбах
Трагедыя здарылася на Сэнт-Вінсэнце і Грэнадзінах учора днём.
Акцёр Крысціян Олівер, дзве яго маленькія дачкі і пілот загінулі пасля таго, як самалёт упаў у Карыбскае мора, піша CBSnews.
Каралеўская паліцыя Сэнт-Вінсэнта і Грэнадзінаў паведаміла, што 51-гадовы Олівер, які названы ў заяве сваім сапраўдным імем Крысціян Клеспер, і дочкі Мадзіта, 12 гадоў, і Анік, 10 гадоў, знаходзіліся на борце невялікага самалёта. Пілот быў ідэнтыфікаваны як мясцовы жыхар і ўладальнік самалёта Роберт Сакс.
Прадстаўнікі Олівера таксама пацвердзілі яго смерць, паведаміўшы CBS News, што іх «думкі і малітвы з ім, дзвюма яго дочкамі і яго сям'ёй».
Паліцыя паведаміла, што самалёт упаў у мора прыкладна за мілю ад узбярэжжа вострава Нэвіс дзесьці пасля 12:00. Па словах уладаў, самалёт накіроўваўся ў Сэнт-Люсію, размешчаную прыкладна за 65 міляў, але праз некалькі імгненняў пасля ўзлёту ўпаў у акіян.
Крысціян Олівер нарадзіўся ў Германіі, пазней ён пераехаў у ЗША, дзе працаваў мадэллю і браў урокі акцёрскага майстэрства.
Атрымаў шырокую вядомасць дзякуючы ролям у фільмах «Аперацыя «Валькірыя», «Грымучыя змеі» і «Хуткасны гоншчык». Ён таксама здымаўся ў серыялах «Спецатрад «Кобра», «Восьмае пачуццё», «Паралельныя сусветы» і «Інспектар Джордж Джэнтлі».
Крысціян апублікаваў 1 студзеня паведамленне пра тое, што ён і яго сям'я «Дзесьці ў раі».
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку12
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары