Машына як у Сінатры і Пікаса. У Мінску заўважылі вельмі рэдкі рэтра-мерсэдэс на хаду
Непадалёк ад гандлёвага цэнтра Minsk City Mall заўважылі рэтра-аўтамабіль на хаду. На яго звярнуў увагу ўладальнік акаўнта nomeroscanby ў Threads, заўважыла выданне Blizko.by.
На фатаграфіях зафіксаваны класічны родстар Mercedes-Benz 190 SL (W121), які выпускаўся нямецкім аўтавытворцам з 1955 па 1963 год. Гэта мадэль стваралася як больш даступная і камфортная альтэрнатыва легендарнаму суперкару 300 SL («крыло чайкі»).
Аўтамабілем валодалі многія знакамітасці, уключаючы мастака Пабла Пікаса, удзельніка гурта The Beatles Рынга Стара і легендарнага спевака Фрэнка Сінатру. Апошні зняўся з ім у фільме «Вышэйшае грамадства» з актрысай Грэйс Келі.
Купіць арыгінальны калекцыйны родстар Mercedes-Benz 190 SL (W121) у Беларусі проста па аб'яве практычна немагчыма праз іхні крайне рэдкі музейны статус. Кошт аўтамабіля складае ад 90 да 170 тысяч еўра ў залежнасці ад стану. У рэдкіх выпадках кошт калекцыйных асобнікаў пасля ідэальнай рэстаўрацыі можа дасягаць 200 — 370 тысяч еўра і больш (ад 680 тысяч да 1,275 мільёна беларускіх рублёў).
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары