U Taronta pa antysiemickich matyvach padpalili kramu miascovych biełarusaŭ
Jak paviedamlajuć kanadskija ŚMI, u Taronta nieviadomyja zakidali kaktejlami Mołatava i raśpisali antysiemickimi nadpisami praduktovuju kramu IDF (International Deli Food). Heta adbyłosia ranicaj 3 studzienia, piša «Salidarnaść».
Sama krama raźmieščanaja niedaloka ad kampusa Jorkskaha ŭniviersiteta. Paviedamlajecca, što pažar uspychnuŭ kala hrafici z nadpisam «Svabodnaja Paleścina». Pry ahladzie budynka taksama byli vyjaŭlenyja raźbityja vokny.
Palicyja Taronta zajaŭlaje, što pažar rasśledujecca jak mierkavanaje złačynstva na hlebie nianaviści, a šerah čynoŭnikaŭ Taronta asudzili pažar jak «napad na jaŭrejskuju supołku horada».
Miž tym izrailski vajskovy žurnalist Siarhiej Aŭślender raskazaŭ, što nasamreč krama nie maje dačynieńnia da jaŭrejskaj supolnaści, a trymaje jaje siamiejnaja para ź Biełarusi.
«Toje, što heta praduktovaja krama, vidać za viarstu — vitryny z adpaviednymi malunačkami, kaŭbasa, syr i ŭsio takoje», — piša žurnalist.
Pryčynaj ža pahromu stała, chutčej za ŭsio, sama nazva kramy — IDF. Prapaleścinskija aktyvisty, miarkujučy z usiaho, pierakłali jaho jak Israel Defense Force — Siły abarony Izraila.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary