U Paŭdniovaj Karei evakujujuć ceły vostraŭ z-za masiravanaha abstrełu z boku KNDR
U bok vostrava było vypuščana bolš za 200 snaradaŭ, praŭda, nichto nie paciarpieŭ.
Paŭdniovaja Kareja abviaściła evakuacyju Jonpchiondo (pražyvaje zvyš 2 tys. čałaviek) u Žoŭtym mory ŭ suviazi z «vidavočnymi prykmietami vajennaj pravakacyi» z boku KNDR, piša RBK.
Pa danych miascovaha ŭpraŭleńnia akruhi, zahad ab ekstranaj evakuacyi byŭ addadzieny dvojčy.
«My atrymali paviedamleńnie ad vajskoŭcaŭ ab situacyi, źviazanaj z pravakacyjaj z boku Paŭnočnaj Karei, paśla čaho abviaścili pra evakuacyju», — zajaviŭ pradstaŭnik miascovaj administracyi, z paviedamleńnia jakoha vynikaje, što ŭ hetym rajonie mahčymyja bajavyja dziejańni.
Paźniej Abjadnany kamitet načalnikaŭ štaboŭ Paŭdniovaj Karei paviedamiŭ, što paŭnočnakarejskija vajskoŭcy adkryli ahoń z artyleryi pa paŭnočna-zachodnim astraŭnym rehijonie. Pa ich danych, u bok vyspy było vypuščana bolš za 200 snaradaŭ.
Tam udakładnili, što nichto nie paciarpieŭ, a punkt udaru znachodziŭsia na poŭnač ad paŭnočnaj raźmiežavalnaj linii (NLL).
U piatnicu, 5 studzienia, u rajonie vostrava, nasielnictva jakoha składaje 2,1 tys.čałaviek, pavinny byli prachodzić vučeńni marskoj piachoty Paŭdniovaj Karei.
Raniej Jonpchiondo ŭžo stanaviŭsia abjektam ataki z boku KNDR. 23 listapada 2010 hoda paŭnočnakarejskaja artyleryja adkryła ahoń pa vostravie, u vyniku čaho zahinuli dvoje marskich piachotnikaŭ i dvoje cyvilnych, ranieńni atrymali bolš za dziasiatak sałdat i niekalki miascovych žycharoŭ. Paŭdniovaja Kareja adkryła ahoń u adkaz, ad jakoha, pavodle źviestak KNDR, zahinuŭ adzin vajskoviec i dvoje byli paranienyja.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary