Relihijnyja arhanizacyi ŭ Biełarusi musiać prajści pierarehistracyju
Łukašenka padpisaŭ zakon, jaki karektuje pytańni dziejnaści ŭ Biełarusi relihijnych arhanizacyj i praduhledžvaje ich pierarehistracyju.
Pierarehistracyja relihijnych arhanizacyj pavinna prajści na praciahu hoda paśla ŭstupleńnia zakona ŭ siłu.
Ciapier, kab zarehistravać relihijnaje abjadnańnie z pašyreńniem dziejnaści na ŭsiu krainu, treba mieć u jaho składzie relihijnyja supołki, jakija dziejničajuć va ŭsich abłaściach i ŭ Minsku. Taksama pavialičanaja i kolkaść supołak, nieabchodnych dla stvareńnia abjadnańnia ahulnadziaržaŭnaha ŭzroŭniu, pry hetym choć by adna ź ich pavinna dziejničać nie mienš za 30 hadoŭ.
Papraŭkami praduhledžana i mahčymaść stvareńnia relihijnymi arhanizacyjami struktur pa akazańni sacyjalnych pasłuh — až da dziciačych damoŭ pry klaštarach pa ŭzhadnieńni z vykankamami.
Možna mierkavać, što asnoŭnaja kanfiesija, suprać jakoj skiravanaje pałažeńnie novaha zakona adnosna pierarehistracyi — pratestanty. Za apošnija 30 hadoŭ jany vybilisia ŭ lidary pa kolkaści rostu prychodaŭ, a da taho ž pratestanckija vierniki razam sa svaimi pastarami časta zajmajuć niezaležnuju i pryncypovuju pazicyju, što, viadoma, nie padabajecca ŭładam, jakija imknucca pastavić pad svoj tatalny kantrol absalutna ŭsio, i relihijnaja śfiera nie vyklučeńnie. Tamu možna prahnazavać, što mnohija pratestanckija supołki pierarehistracyi nie projduć.
Svojeasablivaj «pieršaj łastaŭkaj» užo stała minskaja carkva «Novaje žyćcio», jakaja mulała voka ŭładam užo vielmi daŭno i ŭrešcie była imi likvidavanaja ŭ kastryčniku minułaha hoda. Taksama ciaham apošnich troch hadoŭ rehularna źjaŭlajucca paviedamleńni pra zatrymańni pratestanckich pastaraŭ z roznych rehijonaŭ krainy. Zrešty, palityčnym represijam padviarhajucca taksama i śviatary inšych kanfiesij. Tamu možna mierkavać, što i dla ich pałažeńni novaha zakona stanuć padstavaj dla dadatkovaha cisku z boku čynoŭnikaŭ i siłavikoŭ.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary