Za hrošy na kaśmičnyja i sacyjałahičnyja daśledavańni Akademii navuk pabudujuć bulbaschovišča
Urad skaraciŭ raschody Nacyjanalnaj akademii navuk na 2,3 młn rubloŭ, kab za ich pabudavać bulbaschovišča na Tałačynskim kansiervavym zavodzie. Heta vynikaje z pastanovy ŭrada № 935 ad 26 śniežnia.
Raschody Nacyjanalnaj akademii navuk Biełarusi skarociać pa troch napramkach.
Asnoŭnuju častku hrošaj zabiaruć z prahramy stvareńnia Biełaruskaj kaśmičnaj sistemy dystancyjnaha zandavańnia Ziamli — kala 2 młn rubloŭ.
Astatniaje dabiaruć z vydatkaŭ na praviadzieńnie manitorynhavych i apieratyŭnych sacyjałahičnych daśledavańniaŭ, sacyjałahičnych apytańniaŭ nasielnictva (na 50 tysiač rubloŭ), a taksama z hrošaj na vypusk pradukcyi navukovymi arhanizacyjami NAN.
Bulbaschovišča na 20 tysiač ton budzie pabudavana na Tałačynskim kansiervavym zavodzie. Heta pradpryjemstva vypuskaje viny, paŭfabrykaty dla bulby-fry, kruchmał i inšuju pradukcyju.
Prahrama stvareńnia kaśmičnaj sistemy dystancyjnaha zandavańnia — heta pieršy biełaruski prajekt sistemnaha ŭzroŭniu ŭ kaśmičnaj śfiery. U ramkach hetaj prahramy navukovaje pradpryjemstva «Hieainfarmacyjnyja sistemy» supracoŭničaje z Rasijaj, Vieniesuełaj, Kazachstanam, Indyjaj, Vjetnamam i inšymi krainami.
U jaje arbitalnym siehmiencie vykarystoŭvajucca Biełaruski kaśmičny aparat vysokaj razroznaści i zamiežnyja spadarožniki nizkaj i siaredniaj razroznaści, udakładniaje «Sputnik».
-
«Nad hałavoj lataje pa 20 ton». Brat i siastra ź Biełarusi raskazali, kolki zarablajuć u porcie polskaj Hdyni
-
«Mnohija ludzi stanuć niepatrebnymi». Suzasnavalnik EPAM pra siabroŭstva z Dobkinym, bahaćcie i niaroŭnaść, žyćcio ŭ Łatvii i nastalhiju
-
U lipieni Rasija jašče bolš pavialičyła zakupki paliva ŭ Biełarusi
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu11
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary