«Admoŭnyja piersanažy havorać pa-rasiejsku». Zianon Paźniak prezientavaŭ zbornik pjes
U niadzielu ŭ Biełaruskim domie ŭ Varšavie Zianon Paźniak prezientavaŭ svoj novy zbornik pjes «Hraal». U jaho ŭvajšli tvor na biblejskuju tematyku «Pavieł», jaki staŭ zaviaršeńniem sieryi pjes «Jevanhielskija dziei» i dźvie pjesy dla biełaruskaj moładzi.
Dla maładoha pakaleńnia Zianon Paźniak stvaryŭ «Hraal» — historyju pra toje, jak padletki šukajuć lepšaj budučyni dla Biełarusi praz pošuki Hraala, jaki, pa lehiendzie, schavany ŭ Mirskim zamku, — i «Kvietku ščaścia», pavodle siužetu jakoj dzieci ŭ Kupalskuju noč šukajuć kvietku ščaścia, kab tata z mamaj žyli viečna, piša radiounet.fm.
Usie tvory niasuć funkcyju patryjatyčnaha vychavańnia, a kab adrazu zrazumieć, chto jość zło, Zianon Paźniak niehatyŭnych piersanažaŭ prymušaje razmaŭlać pa-rusku.
«Heta mova, jakuju Rasija vykarystoŭvaje jak zbroju suprać inšych narodaŭ. Tamu admoŭnyja piersanažy i ŭ «Paŭle», i ŭ «Hraali» havorać pa-rasiejsku. Jany hetaje zło prezientujuć, jany nie mohuć havaryć na inšych movach».
Padčas prezientacyi Zianon Paźniak znajomiŭ prysutnych z uryŭkami sa zbornika, raspaviadaŭ pra stvareńnie tvoraŭ i adkazvaŭ na pytańni. Pavodle jaho słoŭ, adnoj z metaŭ stvareńnia pjes źjaŭlajecca žadańnie adnavić biełaruski chryścijanski teatr. Dla hetaha treba šmat dramaturhii, jakoj časam nie chapaje.
Jon taksama adznačyŭ, što zaraz Biełaruś pieražyvaje časy navat bolš składanyja, čym časy stalinskich represij, bo źniščajecca nie tolki nasielnictva, ale i ŭsia kultura znutry krainy.
«Ja dumaju hetyja złyja časy minuć. Heta ŭsio projdzie, a tvorčaść zastaniecca. Tamu, što b tam nie było, ja pišu i budu pisać».
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»15
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4141
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie41
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary