Kultura66

Andrej Chadanovič pieršy, Aleś Bieły treci. U Litvie padviali vyniki čytackaha hałasavańnia za najlepšyja knihi hoda

Litoŭski navinovy partał 15min.lt ciaham apošnich tydniaŭ padvodziŭ knižnyja vyniki 2023 hodu. Siarod pazicyj u roznych naminacyjach byli try vydańni, da stvareńnia jakich mieli dačynieńnie biełaruskija aŭtary. I ŭsie jany dabilisia padčas čytackaha hałasavańnia dobrych vynikaŭ, a adna z «biełaruskich» knih uvohule pieramahła.

Dvuchmoŭnaja biełaruska-litoŭskaja kniha vieršaŭ Andreja Chadanoviča «Fantomnyja radaści» (Fantominiai džiaugsmai) čytačami partała pryznanaja najlepšaj paetyčnaj pierakładnoj knihaj hoda. Za jaje było addana 19% hałasoŭ tych, chto ŭziaŭ udzieł u hałasavańni.

Druhoje i treciaje miesca z 13% hałasoŭ tut padzialili zborniki viadomych litarataraŭ minułaha: amierykanca Čarlza Bukoŭskaha i palaka Źbihnieva Chierbierta.

U konkursie na najlepšaje non-fikšn vydańnie litoŭskich aŭtaraŭ kniha «Smaki Staroj Vilni» (Senojo Vilniaus skoniai), adnym z čatyroch saaŭtaraŭ jakoj razam ź litoŭcami Rymvidasam Łaŭžykasam, Antanasam Astraŭskasam i Tomasam Rymidzisam źjaŭlajecca biełarus, adzin sa stałych aŭtaraŭ «Našaj Nivy» Aleś Bieły, zaniała 3-je miesca (9% addanych hałasoŭ). Uviesnu hetaha hoda aŭtar sam koratka pradstaŭlaŭ knihu na «Našaj Nivie». 

Pieramahła tut kniha Birucie Davidanicie i Davidasa Panceravasa «Śpikier i prezident», pryśviečanaja zakuliśsiam litoŭskaj palityki (35%), a na 2-m miescy raźmiaściłasia praca Andrusa Klajvy «Što robić Japonija» (15%).

Urešcie, kniha biełaruski-fiłosafa Volhi Šparahi «U revalucyi žanočy tvar. Vypadak Biełarusi» (Revoliucijos veidas moteriškas: Baltarusijos atvejis), jakaja ŭdzielničała ŭ naminacyi pierakładnoha non-fikšnu, spyniłasia ŭ adnym kroku ad «pjedestała» — u jaje čaćviortaje miesca (9%).

Pieršuju trojku tut skłali knihi amierykanskaj žurnalistki En Apielbaŭm «Čyrvony hoład: vajna Stalina suprać Ukrainy» (18%), amierykanskaha piśmieńnika Styviena Kinha «Pra piśmienstva. Miemuary pra ramiastvo» (13%) i brytanskaj piśmieńnicy Alivii Łenh «Samotny horad» (12%). 

Na hetym, adnak, pakul nie kaniec. Čytackaje hałasavańnie dazvoliła sfarmavać šort-list ź piaci najlepšych knih u kožnaj naminacyi, i ciapier za kožnuju ź ich buduć hałasavać siabry ekśpiertnaj kamisii. Pieramožcy buduć abvieščanyja 19 śniežnia.

Čytajcie taksama:

«Knihi-miedytacyi stali fienomienam hoda ŭ Biełarusi». Padviali vyniki čytackich upadabańniaŭ hoda

Jak vydać knihu i jaje pradać. Parady redaktarki biełaruskaha vydaviectva 

«Nie viadziciesia na pavieŭnuju modu — padhladać za kłasikami ŭ zamočnuju adtulinu»

Kamientary6

  • Tak
    14.12.2023
    Vinšavańni dla pana Chadanoviča i pana Biełaha.
  • Žvir
    14.12.2023
    Lijetuviskich aŭtaraŭ dakładna čytać nia budu, Chadanoviča taksama, a pra Biełaha i razmovy niama - adrazu ŭ śmietnik. Styvien Kinh - tak. Nu, i Bukoŭskaha z Chierbiertam cikava było b pačytać.
  • Gorliwy Litwin
    15.12.2023
    navat z hetych vynikaŭ bačna, jaki vialiki niedavykarystany patencyjał kulturnaha supracoŭnictva pamiž Litvoj i Biełaruśsiu, jaki siońnia tarpiedujecca Rasijaj. nu i našymi ŭnutranymi idyjotami, jakija sutnasna tutejšyja ruskija. Nu i ekanamičnaha supracoŭnictva taksama, chacia heta jašče składaniej i daŭžej

Ciapier čytajuć

Daviedalisia, jak žyvie Siarhiej «Chłopatnaje dzielca» Mironaŭ6

Daviedalisia, jak žyvie Siarhiej «Chłopatnaje dzielca» Mironaŭ

Usie naviny →
Usie naviny

Mužčyna raźbiŭ videakamieru ŭ padjeździe, nadzieŭšy dla maskiroŭki trusy na hałavu8

Skandynavija pryciahvaje biełarusa: dalnabojščyk raskazaŭ ab pracy ŭ krai vikinhaŭ2

«Matroškami ŭžo nie ździviš». U Rasii zaklikali stvaryć svoj anałah Łabubu3

Viadučaja «Marafonu adzinstva» ŭ padtrymku Łukašenki adpačyvała ŭ Łatvii27

Na poŭnačy Bresta praciahvaje śmiardzieć, ułady zaklikajuć «nie panikavać»2

Sa Šviecyi departujuć jašče adnu biełaruskuju siamju11

Pad Bychavam adkryli pomnik archieałahičnaj znachodcy 1960 hoda. Jon padobny da nadmahilla

Va Ukrainie pad upłyvam pratestaŭ viartajuć niezaležnaść antykarupcyjnym orhanam8

U Miorach padletak pradavaŭ parnahrafiju, vykarystaŭšy numar susieda

bolš čytanych navin
bolš łajkanych navin

Daviedalisia, jak žyvie Siarhiej «Chłopatnaje dzielca» Mironaŭ6

Daviedalisia, jak žyvie Siarhiej «Chłopatnaje dzielca» Mironaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić