Biełarusa Illu Škuryna nazvali najlepšym hulcom listapada ŭ polskim čempijanacie
Illa, jaki vystupaje za futbolny kłub «Stal», zabiŭ čatyry hały ŭ troch matčach, pryčym u adnym z pajadynkaŭ byŭ chiet-tryk.
«U sukupnaści, kali hety hulec traplaje ŭ sietku, jaho kamanda nie prajhraje (u minułym miesiacy jana vyjhrała dvojčy). Biełarus vyklučna ŭniviersalny, bo tolki hrek Efcimis Kułurys (sa ščecinskaj «Pahoni») taksama moža pachvalicca tryma hałami (…) u listapadzie», — tłumačyć vybar na karyść biełaruskaha lehijaniera aficyjny sajt polskaj Ekstrakłasy.
Vybar hulca robicca kapitanami vasiamnaccaci kamand vyšejšaj lihi polskaha čempijanatu, taksama hołas naležyć zaŭziataram u sacsietkach.
Za Illu prahałasavała bolšaść prysiažnych, zaviaršyŭšy tym samym sieryju pieramoh ispanca Eryka Ekspazita z urocłaŭskaha «Šlonska». Ispaniec atrymlivaŭ uznaharodu try miesiacy zapar.
Usiaho Illa zabiŭ vosiem hałoŭ z pačatku siezona. Nastupny matč «Stal» praviadzie ŭ subotu suprać «Krakovii».
U 2020 hodzie Illa pieršym ź biełaruskich spartoŭcaŭ publična zajaviŭ, što admaŭlajecca vystupać za kolery nacyjanalnaj kamandy na znak salidarnaści z demakratyčnymi pratestami ŭ Biełarusi.
Kamientary