Mnohija biełaruskija karystalniki skardziacca na zanadta doŭhaje čakańnie svaich pakupak z markietplejsa Ozon. Jak pišuć čytačy ŭ redakcyju partała Tochka.by, jany ŭžo stamilisia čakać svaich zamoŭ.
«Zamoviŭ tavar 20 čysła, pieranosili dastaŭku čatyry razy. Robim staŭki, kolki jašče buduć pieranosić».
«Niekalki razoŭ pieranosili dastaŭku. Siońnia znoŭ pryjšło paviedamleńnie, što termin pryvozu pieraniesieny, užo na 7 śniežnia».
Adzin čytač dasłaŭ fota svajoj zamovy z kamientarom: «Voś tak OZON dastaŭlaje tavary. Paśla zatrymki pryjšła razarvanaja skrynka. Bałazie, nastolnaja lampa cełaja. Upieršyniu z takim sutykajusia».
Kamuści pašancavała jašče mienš: «Paśla nieadnarazovaha pieranosu pryjšło paviedamleńnie ab admienie zamovy. Hrošy abiacajuć viarnuć, ale sprava nie ŭ hetym, prosta navošta tady prymać zamovu, kali nie hatovyja vykanać».
«Śpiarša pieranosili, a paśla admianili, hrošy viarnuli adrazu».
Va ŭsim vinavataja «čornaja piatnica»
Raniej u pres-słužbie Ozon prakamientavali Tochka.by situacyju z masavymi skarhami na dastaŭku tavaraŭ.
«U pieryjad listapadaŭskich rasprodažaŭ my atrymlivajem u niekalki razoŭ bolš zamoŭ, čym zvyčajna, tamu ŭ asobnych vypadkach terminy dastaŭki mohuć pavialičvacca — my zaŭsiody infarmujem klijentaŭ ab tym, što tavary zatrymlivajucca», — rastłumačyli ŭ kampanii.
Taksama tam adznačyli, što, niahledziačy na heta, jany, maŭlaŭ, imknucca trymać vysoki pakazčyk dastaŭki navat u pik siezonu: u listapadzie 8 z 10 klijentaŭ u Biełarusi atrymali svaje zamovy ŭ termin.
Ułasna, na 1 śniežnia situacyja z dastaŭkaj nie źmianiłasia. Jak hetym razam udakładnili ŭ kampanii, «čornaja piatnica» skončyłasia zusim niadaŭna, tamu niekatoryja zatrymki jašče ŭźnikajuć, ale abiacajuć situacyju nieŭzabavie vypravić.
«Uzmacniajem skład u Minsku, pryciahvajem dadatkovych rabotnikaŭ», — dadali ŭ Ozon.
U minułym hodzie mnohija karystalniki markietpłejsa taksama skardzilisia ŭ kancy listapada i pačatku śniežnia na anałahičnuju situacyju z dastaŭkaj tavaraŭ.
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary