Eskizy ałtarnych rośpisaŭ minskaha Čyrvonaha kaścioła vykupili biełarusy zamiežža
Kaštoŭnaść hetych eskizaŭ rośpisaŭ u tym, što jany jašče pakazvajuć Čyrvony kaścioł (kaścioł śviatych Symona i Aleny) jak pomnik madernu.
Dniami stała viadoma, što na internet-aŭkcyjonie vystavili na prodaž eskiz-prajekty ałtarnych rośpisaŭ kaścioła śviatych Symona i Aleny ŭ Minsku, vykananyja mastakom Juzafam Teafiłam Smalinskim (1865—1927).
Siońnia stała viadoma, što ich vykupili biełarusy zamiežža, pra heta paviedamiŭ kanał «Spadčyna».
«Pa centry ŭ niabiosach namalavany Chrystos, pad im — vyjava Čyrvonaha kaścioła. Chłopčyk ź dziedam — heta Siamion Vajniłovič i jahony zastupnik Śviaty Symon. Nasuprać uklenčanaja dziaŭčyna heta Alena Vajniłovič. Šmatlikija partrety žančyny ŭ masiŭnaj karonie — heta pošuk vobrazu Śviatoj Aleny, maci impieratara Kanstancina, jakaja adšukała Trunu Božuju i Žyvatvorny Kryž, jaki trymaje ŭ rukach. (…)
U davažak jość malunak Załatoj Horki. (…) Pracy nahadvajuć, čamu Čyrvony kaścioł — pomnik nie tolki niearamanskaha stylu, ale i madernu», — adznačajecca na kanale.
Niekatoryja malunki možna było nabyć za sumu ad 1400 da 2000 jeŭra. Jak skazana ŭ apisańni, na eskizach bačny zabrudžvańni i prakoły, ale ahułam jany dobra zachavalisia.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary