Chto skuplaje «Alivaryju»?
Za dva tydni akcyi «Alivaryi» padnialisia ŭ košcie amal udvaja.
Za dva tydni akcyi «Alivaryi» padnialisia ŭ košcie amal udvaja. Za padziejami na biełaruskaj valutna-fondavaj biržy naziraje prahrama Biełsata «Asabisty kapitał».
Akcyi AAT «Piŭzavod «Alivaryja» prahrama nabyła ŭ virtualny inviestycyjny partfielpa košcie 450 tysiač rubloŭ za akcyju. Na momant nastupnaha efira, praz dva tydni, hetyja papiery handlavalisia na BVFB ŭžo pa 607,865 tys. rub. (a naminał ich zastajecca 376,590 tys. rub.). Pryčym handal mienavita pa akcyjach «Alivaryi» zastajecca nadzvyčajna aktyŭnym.
«Chučej za ŭsio, idzie skup akcyjaŭ adnym z akcyjanieraŭ, albo zavod rychtuje novuju bujnuju inviestycyju», — prakamientavaŭ ekśpiert prahramy «Asabisty kapitał» ekanamist Sierž Naŭrodski.
Usiaho na BVFB handlujucca akcyi kala 5 socień biełaruskich firm dy pradpryjemstvaŭ, adnak pa pieravažnaj bolšaści ź ich za ŭsie hady nie było nivodnaj ździełki kupli ci prodažu.
Situacyja z popytam na akcyjami AAT «Piŭzavod «Alivaryja» ŭnikalnaja dla biełaruskaj biržy, bo za apošnija 30 dzion tut byŭ ruch tolki pa akcyjach 15 pradpryjemstvaŭ, a vyrazny rost koštu papieraŭ — tolki pa «Alivaryi».
Padrabiaznaści ŭ videa:
Dasyłajcie svaje prapanovy pa inviestavańniu u kamientary – prahrama spraŭdzić ich u bližejšym efiry.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary