Apple i Disney admoviacca ad rekłamy ŭ X z-za antysiemickich dopisaŭ
Bujnyja kampanii, siarod jakich Apple, Disney, IBM, Paramount i Sony Pictures prypynili rekłamu ŭ sacsietcy X (byłym Twitter). Usie jany niezadavolenyja pabłažlivym staŭleńniem kiraŭnictva Ch, u tym liku ŭładalnika sietki Iłana Maska, da dopisaŭ antysiemickaha charaktaru. Mask u adkaz pahražaje «termajadziernym» pazovam, piša Bi-bi-si.
Skandał razhareŭsia, paśla taho jak Mask publična padtrymaŭ dopis adnaho z karystalnikaŭ X, jaki zajaviŭ u adpaviednaści ź viadomaj teoryjaj zmovy, što habrejskija supolnaści «raspalvajuć nianaviść da biełych ludziej». U svaim kamientary pad dopisam Mask napisaŭ: «Naohuł ty skazaŭ praŭdu».
Nieŭzabavie paśla hetaha niekamiercyjnaja arhanizacyja Media Matters for America źviarnuła ŭvahu, što rekłama bujnych kampanij u X publikavałasia ŭ adnym šerahu z pranacysckimi dopisami. Naprykład, rekłama technałahičnaha hihanta IBM była raźmieščana pobač z dopisami, jakija ŭsłaŭlajuć Adolfa Hitlera i nacyzm.
Pradstaŭnik X paviedamiŭ, što kampanija nie raźmiaščała rekłamu «pobač z takoha rodu kantentam» naŭmysna, a płatforma zmahajecca z antysiemityzmam.
Mask u subotu zajaviŭ, što padaść suprać Media Matters «termajadzierny» pazoŭ u tuju ž siekundu, jak sudy adkryjucca ŭ paniadziełak.
Jon dadaŭ, što spravazdača hrupy skažaje toje, jak u realnaści pracuje sacsietka, kab «padarvać svabodu słova i ŭvieści ŭ zman rekłamadaŭcaŭ».
Mask taksama admaŭlaje, što prytrymlivajecca antysiemickich pohladaŭ, i nastojvaje, što jaho adkaz pad skandalnym dopisam mieŭ inšy sens.
Bieły dom raniej asudziŭ kamientar Maska, nazvaŭšy publikacyju «ahidnaj prapahandaj antysiemickaj i rasisckaj nianaviści».
U čaćvier IBM stała pieršaj kampanijaj, jakaja vyrašyła prybrać svaju rekłamu z sajta X paśla rasśledavańnia Media Matters, zajaviŭšy, što źjaŭleńnie jaje rekłamy pobač z nacysckim kantentam «całkam nieprymalna». Jeŭrapiejskaja kamisija, Comcast, telekampanija Paramount i kinastudyja Lionsgate paśledavali za joj.
U piatnicu ŭviečary ADL (antydyfamacyjnaja liha — amierykanskaja habrejskaja pravaabarončaja arhanizacyja) — adzin z samych zaŭziatych krytykaŭ X — niečakana pachvaliła Maska za baraćbu z raspalvańniem nianaviści na płatformie.
Dyrektar ADL Džonatan Hrynbłat nazvaŭ «važnym i doŭhačakanym krokam «pahrozu Maska błakavać akaŭnty za publikacyju łozunhaŭ «ad raki da mora». Jaho ličać zakadavanym zaklikam da źniščeńnia Izraila.
Vykanaŭčy dyrektar X Linda Jakaryna paviedamiła ŭ piatnicu ŭviečary, što płatforma jasna dała zrazumieć, što pradprymaje «namahańni pa baraćbie z antysiemityzmam i dyskryminacyjaj». «Dla hetaha niama miesca nidzie ŭ śviecie», — dadała jana.
Rakieta Starship Iłana Maska znoŭ uzarvałasia paśla testavaha zapusku
«Zanadta niečakana». Kampanija OpenAI zvolniła svajho kiraŭnika, jaki byŭ suzasnavalnikam jak samoj kampanii, tak i niejrasietki ChatGPT
Vyśvietliłasia, kolki budzie kaštavać ŭstanoŭka čypa Neuralink ad Iłana Maska dla zvyčajnych ludziej
Ciapier čytajuć
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam27
Kamientary