«Jon toj chłopiec, jaki kiruje krainaj, što źjaŭlajecca kamunistyčnaj i zasnavanaj na formie praŭleńnia, całkam adroznaj ad našaj», — skazaŭ prezident ZŠA.
Prezident ZŠA Džo Bajden zajaviŭ, što pa-raniejšamu ličyć svajho kitajskaha kalehu Si Czińpina dyktataram, kinuŭšy cień na vyniki sustrečy z kiraŭnikom KNR, jakuju ŚMI nazvali pradukcyjnaj, piša Bloomberg.
Pa zaviaršeńni svajoj pres-kanfierencyi ŭ sieradu Bajden adkazaŭ na pytańnie amierykanskaha žurnalista ab tym, ci padtrymlivaje jon zrobleny im u červieni kamientar, u jakim jon nazvaŭ Si Czińpina dyktataram. Uletku hetaja zaŭvaha była asudžana MZS Kitaja, jakoje nazvała kamientar «absurdnym» i «pravakacyjaj».
«Nu, hladzicie, tak jano i jość», — skazaŭ Bajden u sieradu. «Ja maju na ŭvazie, što jon dyktatar u tym sensie, što jon toj chłopiec, jaki kiruje krainaj, jakaja źjaŭlajecca kamunistyčnaj i zasnavanaj na formie praŭleńnia, całkam adroznaj ad našaj».
Heta zaŭvaha moža padarvać pośpiechi, dasiahnutyja ŭ chodzie čatyrochhadzinnych pieramovaŭ pamiž prezidentami Kitaja i ZŠA. Bajden skazaŭ, što dźvie krainy pryjšli da važnych pahadnieńniaŭ ab baraćbie z raspaŭsiudžvańniem fientaniłu, adnaŭleńni suviazi pamiž vajskoŭcami na najvyšejšym uzroŭni i ŭstalavańni ŭzajemarazumieńnia, pry jakim luby lidar moža naŭprost patelefanavać inšamu, kab likvidavać luboje nieparazumieńnie.
«Ja liču, što heta byli adny z samych kanstruktyŭnych i pradukcyjnych dyskusij, jakija ŭ nas byli», — skazaŭ raniej Bajden.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1919
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes19
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary