U minskija kramy zavieźli vielmi dziŭnyja kaktusy. Ich možna jeści, ale kostački raźjušvajuć
U adździele harodniny kramy «Susiedzi» jość toje, što bolšaści biełarusaŭ padasca niezvyčajnym: płod kaktusa fihi (jon ža — apuncyja inžyrnaja). Košt nie skazać što vialiki: 13—14 rubloŭ za kiłahram u zaležnaści ad partyi. Onliner.by kupiŭ kaktus i pakaštavaŭ.
Kolki kaštuje štuka
U kramach Italii pobač z takimi kaktusami zvyčajna lažać mietaličnyja ščypcy, kab pakupniku nie pryjšłosia brać pradukt hołymi rukami. Sprava ŭ tym, što na kaktusie mohuć zastavacca drobnyja, ledź prykmietnyja ihołki — jany ŭpivajucca ŭ skuru palcaŭ, dastać ich potym składana.
Hety kaktus pryjechaŭ ź Italii. Jadomymi źjaŭlajucca i jaho płod, i liście. Adzin jaho płod zavažyŭ 144 hramy, za jaho zapłacili 1,87 rubla.
Jak heta jeści
Dla pačatku treba pačyścić.
Chtości rekamienduje myć płod, ababrać i jeści źmieściva (možna i syrym, a možna i pryhatavać). Spadabaŭsia varyjant, kali kaktus treba dla pačatku zamačyć u vadzie na 30 chvilin, kab uspłyli kalučki.
Kaktus 30 chvilin papłavaŭ u miscy z vadoj. Biarem humovyja palčatki, zdymajem z kaktusa skurku.
Unutry — kostački, ich možna jeści. Internet padkazvaje, što kaktus pavinien nahadvać niešta siaredniaje pamiž ahurkom i piercam. Što skazali pra smak dehustatary?
Pa pachu apuncyja nahadała ludziam jabłyk, ahurok, harbuz. Pakaštavaŭšy trochi kaktusa, usie dehustatary stali aburacca, što ŭ im šmat kostačak, jakija niemahčyma razžavać. Vodhuki byli takija:
«Pa smaku nahadaŭ syry narezany harbuz»
- «A dla mianie heta jak sumieś ahurka i jabłyka».
- «Niby jasi syry harbuz, u jakim kuča kostačak. Kudy ich možna vyplunuć?»
- «Kostački psujuć uvieś prykoł»»
- «Varjujuć kostački».
- «Varta kupić adzin raz, kab pakaštavać. Pastajanna b takoje nie jeŭ».
Ludzi skazali, što kupili b taki kaktus, naprykład, kali b klikali ŭ hości siabroŭ i chacieli b ich čymści ździvić. «Jon dobra b hladzieŭsia ŭ narezcy sadaviny, ale jeści tolki jaho mnie b nie chaciełasia». Darečy, čym bolš dehustatary jeli kaktus, tym bolš jon im padabaŭsia.
Inžyrnuju apuncyju možna sušyć, varyć, rabić džem i smuzi, ałkaholnyja napoi. Hetyja płady ŭtrymlivajuć kalcyj, mahnij, žaleza, marhaniec, kisłoty — askarbinavuju, folijevuju, nikatynavuju. Tamu ich možna jeści nie tolki z metaj zabavy, a jašče i dla padtrymańnia svajho zdaroŭja.
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary