Z sajta ABW.by źnikła abjava ab spynieńni jaho pracy, jakaja zjaviłasia kala sutak tamu, resurs praciahvaje abnaŭlacca, zaŭvažyła mediazona.by.
Paviedamleńnie ab spynieńni pracy sajta spačatku prybrali z hałoŭnaj staronki sajta, ale jano zastavałasia dastupnym pa spasyłcy. Paźniej jano źnikła.
Sajt prajekta «Aŭtabiźnies» praciahvaje abnaŭlacca, 9 listapada na jaho hałoŭnaj staroncy zjaviłasia niekalki novych tekstaŭ.
Post ab spynieńni pracy prajekta zjaviŭsia na sajcie 8 listapada. Jon byŭ napisany ad imia zasnavalnikaŭ TAA «Bonustorh», jakich nieviadomyja «paprasili» prakamientavać niadaŭni aryšt dyrektara kampanii.
Siłaviki paviedamili ab zatrymańni dyrektara «Bonustorh» Vitala Palakova ŭ kastryčniku. Praŭładnyja telehram-kanały apublikavali videa, na jakim Palakoŭ kaža, što ŭdzielničaŭ u akcyjach pratestu. Pa jakim mienavita artykule jon zatrymany, nie ŭdakładniałasia.
Aŭtamabilny partał upieršyniu paciarpieŭ ad siłavikoŭ u červieni 2022 hoda. Tady byli zatrymanyja hałoŭnaja redaktarka Julija Mudreŭskaja, redaktar śpiecprajektaŭ Juryj Hładčuk i vypuskajučy redaktar Vadzim Ziankievič.
Ziankieviču dali 13 sutak.
Na Mudreŭskuju i Hładčuka zaviali kryminalnyja spravy. Julii prysudzili paŭtara hoda kałonii (abvinavacili pa artykule 342 KK, «arhanizacyja ci padrychtoŭka dziejańniaŭ, jakija hruba parušajuć hramadski paradak, abo ŭdzieł u ich»), a Juryju — dva z pałovaj (toj ža artykuł 342, a taksama 368 — abraza Łukašenki).
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda4
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary
Poetomu mnie plevať na vsiech vas