Zasnavalniki vydańnia «Avtobiźnies» zajavili ab spynieńni prajekta
Zasnavalniki TAA «Bonushandal», jakim naležyć vydańnie «Aŭtabiznes» (sajt abw.by), prakamientavali niadaŭni aryšt dyrektara kampanii Vitala Palakova. Pavodle ich, zrabić heta biznesoŭcaŭ «paprasili».
U svaim tłumačeńni biznesoŭcy adznačajuć, što Vital Palakoŭ — niadaŭni supracoŭnik, jon pryjšoŭ na pracu ŭ kampaniju tolki 29 vieraśnia 2023 hoda z vyprabavalnym terminam u try miesiacy, na momant zatrymańnia nie prapracavaŭ u kalektyvie jašče i miesiaca i nie atrymaŭ nivodnaha zarobku. Da ŭsiaho ž jon jašče nie paśpieŭ aficyjna pradstavić svajo bačańnie raźvićcia sajta. Pra jahonyja pohlady i ŭvohule bekhraŭnd nichto, maŭlaŭ, viedać ničoha nie moh, i tamu zatrymańnie hetaha čałavieka nie musić usprymacca jak represija suprać kampanii.
«My palityčna nie anhažavanyja, ni ŭ čym nie ŭdzielničali, nikoha nie finansavali i, pavodle mierkavańnia, vykazanaha A. R. Łukašenkam u adnym ź intervju, što ŭ biznesoŭca abo biznes, abo palityka, zaŭsiody vybirali biznes», — zajaŭlajuć zasnavalniki TAA «Bonushandal».
U toj ža čas: «Siońnia ŭ siłu roznych abstavinaŭ my padyšli da taho momantu, kali hatovyja spynić pracu sajta Abw.by».
Svajo rašeńnie vydaŭcy tłumačać čysta ekanamičnymi pryčynami:
«Heta možna było zrabić i raniej. Z pačatkam pandemii, nastupnymi ekanamičnymi sankcyjami pradpryjemstva stała stratnym, tak jak prybytkovaść aŭtamabilnych partałaŭ źviazana z ahulnym stanoviščam na aŭtarynku krainy. My 3 hady sprabavali papravić situacyju da lepšaha, u tym liku najmajučy dobrych prahramistaŭ, źmianiajučy dyrektaraŭ.
Nie chaciełasia spyniać historyju, na naš pohlad, najlepšaj u krainie aŭtamabilnaj žurnalistyki, jakaja biare svoj pačatak u 1993 hodzie, jašče z haziety «Aŭtabiznes». 30 hadoŭ my byli sa svaimi čytačami, vyhadavali plejadu vydatnych śpiecyjalistaŭ».
Supracoŭnikam vydańnia, «najlepšym u svaich śfierach», abiacajuć pry zvalnieńni vypłacić «naležnyja pa zakonie kratnyja akłady i navat bolšyja ŭ vyhladzie vychadnych dapamoh».
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary