Brytancy padtrymali dopusk biełaruskich i rasijskich atletaŭ na Hulni-2024 ŭ niejtralnym statusie
Ciapier rašeńnie — za Mižnarodnym alimpijskim kamitetam.
Vykanaŭčy dyrektar Brytanskaj alimpijskaj asacyjacyi Endzi Ensan zajaviŭ, što BAA i ŭsia alimpijskaja zbornaja Vialikabrytanii padtrymlivajuć prysutnaść biełaruskich i rasijskich spartoŭcaŭ na Alimpijskich hulniach 2024 hady ŭ Paryžy ŭ niejtralnym statucie, piša Priessboł.
Ensan dadaŭ, što kančatkovaje rašeńnie całkam za Mižnarodnym alimpijskim kamitetam.
«Roźnica pamiž Tokia i Hulniami ŭ Paryžy budzie vidavočnaja. Luby prysutny rasijski abo biełaruski spartsmien budzie vystupać jak niezaležny, u niejtralnym statusie. Takija biahučyja praviły, i my zadavoleny hetym.
Rasijcam zabaranili ŭdzielničać u šmatlikich mižnarodnych turnirach napiaredadni Paryža, tamu nie tak užo šmat tych, chto zmoža prajści kvalifikacyju. Navat kali ŭ Paryžy budzie niekalki niezaležnych rasijskich spartoŭcaŭ, my čakajem, što ich budzie da 100 čałaviek, a nie tych 400, jakija byli ŭ Tokia. My nie chočam, kab spartsmienaŭ uvieś čas karali za kanflikty, jakija adbyvajucca pa ŭsim śviecie, tamu, jak nacyjanalnaja asacyjacyja, my padtrymajem hetaje rašeńnie», — zajaviŭ Ensan u intervju Sky Sports News.
Rašeńnie ab tym, ci dapuskać spartsmienaŭ z Rasii i Biełarusi ŭ lubym vyhladzie da ŭdziełu ŭ Hulniach naleta, MAK jašče nie pryniaŭ.
Biełarusy horača spračajucca, ci varta pryviazvać dapamohu na dzicia da zarobku maci51
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary