ŚMI apublikavali videa, na jakich, jak śćviardžajecca, ukrainski śpiecnaz paluje na vahnieraŭcaŭ u Sudanie
Vydańnie Kyiv Post 6 listapada apublikavała dva videa, na jakich, jak śćviardžajuć krynicy vydańnia, ukrainskija śpiecnazaŭcy palujuć na najmitaŭ PVK «Vahnier» u Sudanie. Ukrainski bok aficyjna nie pryznavaŭ praviadzieńnia apieracyj suprać vahnieraŭcaŭ u hetaj krainie. Samo videa pakul nie vieryfikavanaje.
Jak paviedamiła krynica Kyiv Post, ciapier u Sudanie praciahvajecca apieracyja pa «začystcy» PVK «Vahnier», miascovych terarystaŭ i supracoŭnikaŭ śpiecsłužbaŭ RF.
Kamientujučy videa, krynica adznačyła, što na kadrach «vidać pracu, vierahodna, śpiecpadraździaleńniaŭ Hałoŭnaha ŭpraŭleńnia raźviedki Ministerstva abarony Ukrainy (HUR)».
Paviedamić detali apieracyi ź mierkavańniaŭ biaśpieki krynica admoviłasia.
Na pieršym, čorna-biełym, videa, jakoje, mahčyma, było źniata nočču bieśpiłotnikam u infračyrvonym śpiektry, bajcy atačajuć budynak, na im vyłučany celi. Taksama bačna, jak niechta vykarystoŭvaje ručny hranatamiot, kab strelić u akno budynka. Dalej možna ŭbačyć niekalki vybuchaŭ na kadrach, zroblenych zvyčajnaj kamieraj.
Druhoje videa źniataje dronam udzień. Ukrainskich śpiecnazaŭcaŭ na im nie vidać, ale padobna, što niechta paluje na niekalkich mužčyn, jakija vyhladajuć jak mišeni, što biahuć pa vulicach hustanasielenaha horada ci pasiołka.
Pierad hetym telekanał CNN paviedamlaŭ, što za ŭdarami bieśpiłotnikaŭ pa bazach bajevikoŭ, źviazanych z PVK «Vahnier«, pablizu stalicy Sudana, vierahodna, stajać ukrainskija śpiecsłužby. Ukrainskija śpiecsłužby nie paćvierdzili i nie abvierhli infarmacyju SNN, ale tam nahadali słovy načalnika HUR Kiryły Budanava pra vahnieraŭcaŭ: «Heta našy vorahi, i my budziem dziejničać u lubym punkcie ziamnoha šara».
U vieraśni prezident Zialenski zajaviŭ, što pravioŭ impravizavanuju sustreču sa staršynioj Suvierennaj Rady Sudana Abdelem Fatacham al-Burchanam u irłandskim aeraporcie «Šenan».
-
U akupavanaj Novaj Kachoŭcy Chiersonskaj vobłaści zabity staršynia «savieta deputataŭ»
-
Z-za ataki ŭkrainskich dronaŭ u dvuch rajonach Rastoŭskaj vobłaści adklučałasia elektryčnaść
-
«Ja ŭmieju zabivać. Tut mianie za heta nie asudziać». Va USU taksama słužać źniavolenyja, jakija pramianiali turmu na pole boju
Ciapier čytajuć
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie4
Kamientary