Nočču 6 listapada Rasija atakavała Adesu roznymi typami rakiet i ŭdarnymi dronami.
Jak paviedamiŭ kiraŭnik abłasnoj vajennaj administracyi Aleh Kipier, jość rakietnyja papadańni pa centralnaj častcy horada i ŭ pramysłovy budynak, jaki nie vykarystoŭvaŭsia.
U pavietranych siłach zajavili, što vykarystoŭvalisia rakiety «Oniks» i «Iskander-M».
Vybuchovaj chvalaj paškodziła niekalki šmatpaviarchovych žyłych damoŭ i Nacyjanalny mastacki muziej u zonie suśvietnaj spadčyny JUNIESKA.
Udarnymi dronami «Šachied» była atakavanaja prypartavaja infrastruktura. Pa papiarednich źviestkach, jak minimum 15 bieśpiłotnikaŭ źbili siły SPA. Jość papadańni, jakimi paškodžanyja składskija pamiaškańni, razhruzačnaja technika, hruzaviki ź zierniem.
Kamientary