Paśla zapusku rakiet u centralnaj i paŭdniovaj častkach Izraila spracavali sireny. U CACHAŁ zajavili, što ryzyki nasielnictvu niama, bo i rakiety, i drony byli pierachoplenyja nad Čyrvonym moram.
U 12:00 (čas supadaje ź minskim), jemienskija ŭzbrojenyja siły pačali rakietnuju ataku na izrailskija siły na «akupavanych paleścinskich terytoryjach». Pra heta paviedamiŭ pradstaŭnik jemienskaj armii bryhadny hienierał Jachja Sary, piša RBK.
Pavodle jaho słoŭ, «vajskovyja ŚMI» viaduć tranślacyju ŭdaru ŭ pramym efiry.
«ŚMI buduć tranślavać sceny zapusku partyj rakiet i bieśpiłotnikaŭ, z dapamohaj jakich našy ŭzbrojenyja siły nacelilisia na nietry sijanistaŭ na akupavanych Paleścinskich terytoryjach roŭna a 12 hadzinie dnia», — napisaŭ jon.
Jachja Sary — pradstaŭnik chusickaha ruchu, jaki de-fakta zachapiŭ uładu ŭ Jemienie z 2015 hoda.
Paźniej resurs Minabarony Jemiena na svaim sajcie i ŭ akaŭncie Ch (były Twitter) apublikavaŭ videa z zapuskami rakiet. Na rolikach, jak paznačana ŭ paviedamleńni, pakazany «sumiesnyja apieracyi jemienskich rakietnych vojskaŭ i vajenna-pavietranych sił pa naniasieńni udaraŭ pa celach izrailskich sił u Paleścinie».
Paśla paviedamleńnia ab zapusku rakiet Armija abarony Izraila (CACHAŁ) u svaim telehram-kanale paviedamiła pra sireny ŭ centralnaj i paŭdniovaj častkach Izraila, a taksama ŭ rajonach, prylehłych da siektara Haza.
Ciapier čytajuć
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku16
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary