U Mahilovie na miescy masavych rasstrełaŭ represavanych siońnia aśviacili kryž
Adnymi ź pieršych u «mahiloŭskich Kurapatach» byli zabityja pravasłaŭnyja i katalickija śviatary. Praŭda, na novym miemaryjale prama nie havorycca pra achviar savieckich represij.
U dni, kali biełarusy ŭšanoŭvajuć pamiać rasstralanych achviar savieckich represij, vierniki Biełarusi molacca ab niavinna zabitych. Tak, siońnia nabaženstvy prajšli ŭ Mahilovie i Homieli. U hety dzień Biełaruskaja pravasłaŭnaja carkva zhadvaje ŭsich pravasłaŭnych viernikaŭ, «biaźvinna bahaborcami zabitych abo tych, chto znachodziŭsia ŭ źniavoleńni», piša Katolik.life.
Jepiskap Śvietłahorski, vikaryj Homielskaj jeparchii Amvrosij adpraviŭ liturhiju ŭ Nikolskim manastyry Homiela. A ŭ Mahilovie aśviacili pakłonny kryž, ustalavany na miescy rasstrełu achviar stalinskich represij (na praśpiekcie Dzimitrava kala prypynku «Miasakambinat») i praviali paminalnaje nabaženstva. Bohasłužeńnie ŭznačaliŭ archijepiskap Mahiloŭski i Mścisłaŭski Safronij.
Praŭda, na novym kamiennym kryžy, ustanoŭlenym kala draŭlanaha, nie havorycca pra achviar represij. Jany nazvanyja bolš abciakalna «rabami Božymi, biaźvinna zabitymi ŭ dni lichalećcia 20-30-ch hadoŭ».
Heta miesca masavych rasstrełaŭ nazyvałasia «Konskija mohiłki», bo tam spačatku chavali žyviołu, potym stralali ludziej.
Katy ekanomili patrony: u patylicu kožnaj achviary byŭ tolki adzin streł. I kali jon byŭ niaŭdałym i čałaviek jašče padavaŭ prykmiety žyćcia, to jaho skidali ŭ jamu razam ź inšymi zabitymi — «i tak padochnie!». Zatym źlohku prysypali ziamloj.
Pieršymi ŭ hetuju ziamlu ŭ pačatku 1920-ch hadoŭ lahli ajciec Mikałaj, nastajaciel carkvy, i niekalki ksiandzoŭ. Potym mohilnik papoŭniŭsia viernikami i ateistami, cyvilnymi i vajskoŭcami, sialanami i intelihiencyjaj.
U kancy 1980-ch pačalisia raskopki na miescy mohilnika. Było raskapana kala sotni čałaviečych pareštkaŭ. Amal u kožnym čerapie była dzirka ŭ patylicy, dzie-nidzie sparachniełyja reštki adzieńnia, abutku.
Čakanaja viersija — nacysty rasstrelvali tut pałonnych z Łupałaŭskaha kancłahiera — nie paćviardžałasia. Usio pakazvała na davajenny pieryjad. Tak pra trahiedyju daviedalisia ŭ horadzie. Užo potym aktyvisty «Martyrałoha» adšukali śviedak. I «mahiloŭskija Kurapaty» stali viadomyja ŭsioj krainie.
Na Dziady jeŭrapiejskija dypłamaty naviedali Kurapaty. Tam ich čakaŭ desant dziaržaŭnaj presy
Dzieci rasstralanych. Dočki Klaštornaha: cud vyžyvańnia, dobryja ludzi i viartańnie ŭ Biełaruś
Pamior režysior stužki «Daroha na Kurapaty», zdymać jakuju dapamahaŭ Zianon Paźniak
U Kurapatach novyja fakty vandalizmu, znoŭ paciarpieŭ kryž Łastoŭskamu
Ciapier čytajuć
Buchi Ihar ź Viciebska ŭžo nie viedaje, jak adbicca ad padarunkaŭ ad roznych brendaŭ. I ŭžo zvalniajecca z zavoda26
Kamientary
I ciabie, hubazikaviec, čakaje tajaž dola