Pamior režysior stužki «Daroha na Kurapaty», zdymać jakuju dapamahaŭ Zianon Paźniak
Pamior biełaruski režysior-dakumientalist Michaił Ždanoŭski, jamu było 84 hady. Jon aŭtar adnoj z najvažniejšych stužak biełaruskaha kino — «Daroha na Kurapaty». Režysiora nie stała 20 kastryčnika, paviedamlaje Reform.by.
Scenar da karciny «Daroha na Kurapaty» Michaił Ždanoŭski pisaŭ razam z Alaksandram Łukašukom. U stvareńni filma braŭ udzieł Zianon Paźniak. Apieratar — Siarhiej Piatroŭski. Kino, jakoje było źniata ŭ 1990 hodzie na studyi «Letapis» kinastudyi «Biełaruśfilm», jość dakumientalnym śviedčańniem złačynstvaŭ balšavickaha režymu suprać ludziej.
U darobcy Michaiła Ždanoŭskaha — nie tolki heta karcina. Za stvareńnie cykła «Daroha na Kurapaty», «Žaŭruki Biełarusi», «Uspaminy pra Mikałaja Ravienskaha» ŭ 1990-ja kiniematahrafist atrymaŭ Dziaržaŭnuju premiju Respubliki Biełaruś. U 2000-ja Michaił Ždanoŭski, zychodziačy z patrabavańniaŭ času, zdymaŭ dakumientalnyja karciny bolš kamiernaha typu — pryśviečanyja biełaruskim postaciam kultury, cikavym asobam — «Va ŭsie dni», «Siemdziesiat piataja vosień Andreja Mdzivani», «Maestra Anisimaŭ» i inšyja.
Ždanoŭski vykładaŭ u Biełaruskaj dziaržaŭnaj akademii mastactvaŭ. Vioŭ kurs maładych dakumientalistaŭ u 2010-ja, ale ŭ vyniku intryh i paklopu byŭ «zvolnieny».
Raźvitańnie ź Michaiłam Ždanoŭskim adbudziecca 23 kastryčnika pa adrasie Kulman, 33a z 12:00 da 12:45.
Ciapier čytajuć
Pasadzili advakata Dźmitryja Łajeŭskaha, jaki abaraniaŭ Babaryku i Znaka12
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam54
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4747
Kamientary