U Minkulcie raskazali pra dalejšyja płany restaŭracyi i ŭznaŭleńnia Kreŭskaha i Halšanskaha zamkaŭ
Ministr kultury Anatol Markievič padčas vyjaznoha pasiadžeńnia kalehii Ministerstva kultury paviedamiŭ, što na ŭznaŭleńnie Kreŭskaha zamka vydzialajucca surjoznyja finansavyja srodki. «Užo ŭkładziena bolš za 5,5 miljona rubloŭ», — skazaŭ jon, jak zaŭvažyŭ Reform.by.
U nastupnym hodzie vyjduć na zaviaršalny etap pa abnaŭleńni pierymietra zamka. Paśla hetaha ŭ płanach restaŭracyja Kniažackaj viežy i jaje muziejefikacyja. U jaje asnoŭnaj ekspazicyi buduć pradstaŭleny artefakty, znojdzienyja tut padčas raskopak.
Načalnik adździeła kultury Smarhonskaha rajvykankama Taćciana Ražava paviedamiła, što da kanca hetaha hoda budzie zavieršana kansiervacyja z restaŭracyjaj paŭdniova-zachodniaj ściany zamka. Na hety momant zavieršany kamienny mur, jaki vykanali rabotniki AAT «Biełrestaŭracyja», napieradzie dachavyja raboty. Nastupnym etapam budzie adnaŭleńnie paŭdniova-ŭschodniaj ściany.
Ciapier idzie nazapašvańnie ekspanataŭ, jakija buduć pradstaŭleny ŭ ekspazicyi Kniažackaj viežy paśla zaviaršeńnia jaje restaŭracyi. «Častka ź ich piarojdzie z fondaŭ Smarhonskaha historyka-krajaznaŭčaha muzieja, dzie siońnia Kreŭskamu zamku pryśviečana asobnaja zała, častka ekspanataŭ — z raskopak 20-hadovaj daŭniny, pieradadzienych Instytutam historyi Nacyjanalnaj akademii navuk, — dapoŭniła Taćciana Ražava. — Sioleta archieołahi taksama rabili raskopki na terytoryi zamka, znojdzieny frahmienty posudu, jadry, nakaniečniki streł».
Na Halšanskim zamku viaducca raboty pa kansiervacyi z frahmientarnaj restaŭracyjaj i vykarystańniem ruin byłoha zamka Sapiehaŭ z frahmientami abarončych zbudavańniaŭ u ramkach dziaržprahramy «Kultura Biełarusi». Na paŭnočna-ŭschodnim korpusie zaviaršajucca raboty pa restaŭracyi cahlanaha muru ścien, kansiervacyi znadvornych ścien, na paŭnočna-zachodnim korpusie zaviaršajucca supraćavaryjnyja i kansiervacyjnyja pracy.
U mai 2021 hoda było zavieršana ŭznaŭleńnie Paŭnočnaj viežy, u jakoj dziejničaje muziejnaja ekspazicyja.
«Małaja brama budzie vielmi cikavaj i adekvatnaj». Archieołahi padvodziać vyniki sioletnich raskopak na Kreŭskim zamku i strojać płany na nastupny siezon
«Našy pošuki muravanki mieli i ŭtylitarnuju metu». Archieołah raskazaŭ pra sioletniaje siensacyjnaje adkryćcio na Kreŭskim zamku
Dziaržava admoviłasia finansavać ekspazicyju ŭ Halšanskim zamku. «Srodki pavinny być nakiravany na zachavańnie kaštoŭnaści»
Ciapier čytajuć
Kolki biełarusaŭ hałasavała za Łukašenku na raniejšych vybarach? Apublikavanyja zakrytyja ličby dziaržaŭnych apytańniaŭ15
Kolki biełarusaŭ hałasavała za Łukašenku na raniejšych vybarach? Apublikavanyja zakrytyja ličby dziaržaŭnych apytańniaŭ
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1010
Kamientary