U Polščy zaniepakoilisia pracaj biełaruskich i ŭkrainskich miedykaŭ. Źviazana heta z pracaŭładkavańniem padčas pandemii kavidu
Niekalki spraŭ u dačynieńni da daktaroŭ užo pieradadzienyja ŭ prakuraturu, pieradajuć polskija miedyja.
Akruhovaja rada Vialikapolskaj miedycynskaj pałaty zajaviła, što ŭkrainskija i biełaruskija daktary padčas svajoj pracy ŭ Polščy nie zaŭsiody naležnym čynam vykonvajuć zakony ab prafiesijnaj dziejnaści.
Jak pieradaje partał Medexpress.pl, havorka idzie pra fakty samapraŭnaha karystańnia zakonam ab sproščanym atrymańni dazvołu na pracu, jaki ŭvodziŭsia ŭ Polščy padčas pandemii karanavirusa dla pryciahnieńnia asob ź niejeŭrapiejskaj miedycynskaj adukacyjaj.
Hetaja norma dazvalała pieravažna kandydatam ź Biełarusi i Ukrainy atrymlivać umoŭnaje prava na pracu ŭ polskich miedustanovach, praktyčna całkam abychodziačy standartnuju praceduru paćviardžeńnia dypłoma ab adukacyi.
«Daktary i miedycynskija rabotniki z takich krain, jak Biełaruś i Ukraina, praciahnuli karystacca sproščanaj praceduraj i paśla zakančeńnia pandemii. Zakon niedaskanały: jon nie patrabuje ispytu na viedańnie polskaj movy, nie vyznačaje kryteraŭ minimalnaj prafiesijnaj kvalifikacyi kandydataŭ i nie maje dakładnaha rehulavańnia paŭnamoctvaŭ hetych umoŭnych śpiecyjalistaŭ.
Usio heta dahetul pryvodzić da šmatlikich parušeńniaŭ zakanadaŭstva. Niekalki spraŭ užo pieradadziena ŭ miascovuju prakuraturu», — paviedamiŭ partał Medexpress.pl sa spasyłkaj na Vialikapolskuju miedycynskuju pałatu.
Tam adznačyli, što za apošni čas u Vialikapolskim vajavodstvie byli admoŭlena 73 pretendentam u sproščanym licenzavańni i miedycynskim pracaŭładkavańni. Samaja raspaŭsiudžanaja pryčyna admovy — heta niedastatkovaje viedańnie polskaj movy dla pracy z pacyjentami i viadzieńnia dakumientacyi.
Aproč hetaha, navat tyja, kamu było admoŭlena ŭ nadańni sproščanaha prava na pracu, usio adno akazvali miedycynskija pasłuhi i ŭładkoŭvalisia ŭ miascovyja balnicy.
U suviazi z hetym Vialikapolskaja miedycynskaja pałata prapanuje całkam admianić sproščany miechanizm atrymańnia prava na miedycynskuju pracu ŭ Polščy dla inšaziemcaŭ nie z krain Jeŭrasajuza.
Ciapier čytajuć
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni4
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier33
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier3
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary