Hramadstva44

«Vajłdbieryz» prapanoŭvaje biełaruskam kapsuły dla «adnaŭleńnia cnatlivaści»

Čytačka vypadkova znajšła na «Vajłdbieryz» niezvyčajnyja dla markietpłejsa tavary — nabor kapsuł, jakija dapamahajuć «adnavić cnatlivaść».

Fota z sajta «Vajłdbieryz»

Niekalki handlaroŭ vystavili na prodaž nabory, u jakija ŭvachodziać dźvie pochvavyja kapsuły sa štučnaj kryvioj (pieršuju prapanoŭvajuć vykarystać adnoj, kab prateściravać i zrazumieć, ci padabajecca vynik) i kapsułu, jakaja pavinna zvuzić myšcy pochvy. Košt tavaru — ad 88 da 117 rubloŭ.

Voś jak apisvajuć nabor dla «adnaŭleńnia cnatlivaści» handlary: «Za 10-15 chvilin da pałavoha akta treba ŭvieści kapsułu ŭ pochvu, dalej ad tempieratury i ad vilhaci abałonka kapsuł stanovicca tančejšaj. Padčas pałavoha aktu kapsuła razryvajecca i ź jaje vyciakaje štučnaja kroŭ, nakštałt taho, jak heta byvaje pry naturalnym razryvie cnatlivaj pleŭki. Vadkaść kapsuł tak padobnaja da kryvi, što jaje nie adroźnić ad sapraŭdnaj, i ŭ mužčyn vielmi realnyja adčuvańni».

Fota z sajta «Vajłdbieryz»

Paznačana, što kapsuły majuć na 100% naturalny skład: ekstrakt ałoe, bružmieli, mahnolii, jahady hodžy, ramonak, šafran, rambutan, trubčasty flisavy badyl.

Pišuć taksama ab tym, što nielha vykarystoŭvać kapsuły pry bolach u pałavych orhanaŭ, padčas mienstruacyi, pry alerhii, lichamancy, vienieryčnych zachvorvańniach, pry ciažarnaści i ŭ pieryjad łaktacyi.

Toje, jak rekłamujuć tavar na markietpłejsie, časam vyhladaje śmiešna: «Niavińnica vy ci nie, hety pradukt idealna padychodzić dla tych, chto choča dadać krychu chvalavańnia ŭ svajo seksualnaje žyćcio. Nie prapuścicie mahčymaści zanurycca ŭ śviet eratyčnaha zadavalnieńnia i kłopatu pra siabie».

Kaniešnie, košt kapsuł našmat mienšy za košt himienapłastyki (adnaŭleńnia himiena chirurhičnym sposabam) — u minskich klinikach cana padobnaj apieracyi dachodzić da dźviuch tysiač rubloŭ. Ale ž nakolki vykarystańnie kapsuł biaśpiečna dla žančyn? My zadali heta pytańnie hiniekołahu.

— Mabyć, pačać treba z taho, što i himienapłastyka, i takija kapsuły — heta kamiercyjnyja pradukty, jakija nikomu nie patrebny. Ja by vielmi chacieła, kab chacia b u biełaruskim hramadstvie źnikli ŭsie hetyja mify, źviazanyja z «cnatlivaściu».

Čamu navat siońnia mužčyny dumajuć, byccam kroŭ na praścinie paśla pieršaha seksualnaha dośviedu — heta dobra? Čamu jany ŭpeŭnienyja, što partniorka pavinna adčuvać bol? Heta ŭsio z-za niedachopu seksualnaj aśviety i kultyvavańnia stereatypaŭ. Nasamreč, defłaracyja moža być biazbolnaj — i voś da hetaha treba imknucca, a nie da kryvavaj paścielnaj bializny, —

prakamientavała doktarka (imia nie pryvodzicca ź mierkavańniaŭ biaśpieki).

Fota z sajta «Vajłdbieryz»

Kali kazać pra skład kapsuł, to, kali jon adpaviadaje tamu, što napisana na ŭpakoŭcy, heta nie naškodzić žančynie.

— U svajoj praktycy ja bačyła surjoznyja nastupstvy, kali žančyny sprabavali lačyć niejkija zachvorvańni z dapamohaj narodnych mietadaŭ — naprykład, kandydoz časnakom, bo niejkaja ciotka skazała, što zaŭždy tak rabili. Ale jak hiniekołah ja zaklikaju nie ekśpierymientavać z tym, što nie źjaŭlajecca lekami, — dadaje hiniekołah.

Kamientary4

  • Nie pakupajcie vy rasijanskaje łajno
    24.10.2023
    A pra pabočnyja rieakcyi chto pra ich znait. V obščem maja sasiedka ich prymała, vot potym mučałasia z vyvadkam roznych šłaptaŭ. A jany takija dzierskija pałučylisia, možyt na ich zombajaščyk padziejstvavaŭ. Nu jak kazała Tekla, vyhnali ijo z chaty hetyja šłapty. Maral sivo, ot nie pryjmaješ rasijanskaje łajno, i vot že spakojna žyviecca
  • Tipok Vahnierok
    24.10.2023
    Šief jeśli b takoje raskusił, oj nie sdobrovať było by! On polzovał isklučitielno naturalnyje šampuńki)
  • Maksim Dizajnier
    25.10.2023
    Mafkees

    Kak pamiarkounych atieistikov opisał. Osobienno pro samahubstva

Ciapier čytajuć

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim24

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim

Usie naviny →
Usie naviny

U Litvie chočuć stvaryć dronavuju zasłonu na miažy ź Biełaruśsiu1

«Patelefanujcie Pucinu»: Rute papiaredziŭ Kitaj, Indyju i Braziliju pra druhasnyja sankcyi3

U parku Čaluskincaŭ źjavicca «Vieža svabodnaha padzieńnia»2

Miadźviedzieŭ pra ŭltymatum Trampa: Rasii ŭsie roŭna8

«Adzin hladzieŭ telefon, druhi razmaŭlaŭ, a treci ŭ baku naziraŭ». Jak ciapier pravodziać dopyty na miažy Biełarusi ź ES18

Trampa spytali, ci jon usio jašče ličyć NATA sastarełaj arhanizacyjaj

Pakalečanaja ŭ Dubai ŭkrainskaja madel pačała havaryć34

«Napramak suśvietnaha ŭzroŭniu». Kurort u Paŭnočnaj Karei budavali, kab adkryć KNDR śvietu, ale pakul i rasijanie nie chočuć jechać8

BMW sutyknułasia ź ZIŁ. Dva čałavieki zahinuli ŭ DTZ u Žytkavickim rajonie

bolš čytanych navin
bolš łajkanych navin

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim24

Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim

Hałoŭnaje
Usie naviny →

Zaŭvaha:

 

 

 

 

Zakryć Paviedamić