Śviet33

Ułady Izraila vyrašyli prybrać z navučalnych prahram zhadki pra Hretu Tunbierh z-za jaje padtrymki Paleściny

Ministerstva adukacyi Izraila abjaviła, što prybiare z navučalnych prahram lubyja zhadki pra šviedskuju aktyvistku Hretu Tunbierh z-za jaje vykazvańniaŭ u padtrymku Paleściny, piša «Mieduza» sa spasyłkaju na izrailskija miedyja.

«CHAMAS — terarystyčnaja arhanizacyja, adkaznaja za zabojstva 1400 niavinnych izrailcian, u tym liku dziaciej, žančyn i pažyłych ludziej, i vykradańnie bolš za 200 čałaviek. Pazicyja [Tunbierh] pazbaŭlaje jaje prava być adukacyjnym i maralnym uzoram dla pierajmańnia, i jana bolš nie maje prava natchniać i navučać izrailskich studentaŭ», — zajavili ŭ viedamstvie.

Za niekalki dzion da hetaha Tunbierh apublikavała paviedamleńnie ŭ padtrymku Paleściny ŭ tvitary. «Siońnia my pratestujem u znak salidarnaści z Paleścinaj i siektaram Haza. Śvietu nieabchodna vykazacca i zaklikać da nieadkładnaha spynieńnia ahniu, spraviadlivaści i svabody dla paleścincaŭ, a taksama ŭsich paciarpiełych mirnych žycharoŭ», — napisała Tunbierh.

Nieŭzabavie aktyvistka padvierhłasia rezkaj krytycy ŭ sacsietkach, a bolš za sto izrailskich ekołahaŭ i aktyvistaŭ padpisali kalektyŭny list da Tunbierh, u jakim padrabiazna vykłali nastupstvy napadu CHAMAS na Izrail.

«Tak vy sabie ŭjaŭlajecie baraćbu za pravy čałavieka? Z zabojstvami mirnych žycharoŭ, zhvałtavańniami žančyn i vykradańniami niemaŭlat i starych? Ci heta hučyć jak častka baraćby za svabodu?» — havaryłasia ŭ liście.

Aŭtary zvarotu taksama abvinavacili Tunbierh u paviarchoŭnym i hreblivym staŭleńni da izrailska-paleścinskaha kanfliktu, jaki, jak jany ličać, moža pastavić pad pytańnie surjoznaść i abhruntavanaść jaje aktyvizmu. 

«Hreta bolš nie zjaŭlajecca dla nas prykładam dla pierajmańnia ŭ kantekście źmieny klimatu. U nas jość šmat inšych fihur, na jakich možna raŭniacca», — ličać jany.

Paźniej Tunbierh adkazała na krytyku, padkreśliŭšy, što jana suprać «žachlivych napadaŭ CHAMAS». Pry hetym jana znoŭ pracytavała svoj post, u jakim pisała, što «śviet pavinien zaklikać da nieadkładnaha spynieńnia ahniu, spraviadlivaści i svabody dla paleścincaŭ i ŭsich paciarpiełych mirnych žycharoŭ», i pastaviła chešteh #StandWithPalestine.

Hreta Tunbierh atrymała šyrokuju viadomaść u 2018 hodzie paśla taho, jak stała pravodzić zabastoŭki la budynka parłamienta Šviecyi. Jana zajaviła, što nie budzie chadzić u škołu ŭ piatnicy, pakul ułady nie pačnuć vykonvać damovy pa klimacie. Uletku 2019 hoda Tunbierh vyrašyła zrabić pierapynak u navučańni. Praz hod jana viarnułasia ŭ škołu.

U 2019 hodzie ludzi pa ŭsim śviecie pravodzili zabastoŭki, padobnyja da tych, što ładziła Hreta Tunbierh. Sama aktyvistka ŭ tym ža hodzie vystupiła na klimatyčnym samicie AAN u Ńju-Jorku. 

Časopis Time nazvaŭ Tunbierh Čałaviekam hoda — 2019. Z taho času Tunbierh čatyry razy naminavali na Nobieleŭskuju premiju miru.

Kamientary3

  • Kazik
    23.10.2023
    >taksama abvinavacili Tunbierh u paviarchoŭnym i hreblivym staŭleńni da izrailska-palestynskaha kanfliktu

    Prykoł u tym, što ŭ jaje takoje ž paviarchoŭnaje razumieńnie ekałohii i technałahičnych pracesaŭ, jakija ŭpłyvajuć na ekałohiju.
  • mikola
    23.10.2023
    Geta G.Tunberg- hvora na galavu a ekalogija ni pryczym.....Use hvaroby ad nervau....
  • Nikifor
    23.10.2023
    Tie kto jejo vklučił v učiebnik takije žie bolnyje na hołovu. Etu ubierut - postaviat druhuju takuju žie. Dieło Sorosa živiot! Izrail Ce Jevropa, koniečno žie.

Ciapier čytajuć

Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom1

Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom

Usie naviny →
Usie naviny

Rasija i Ukraina praviali čarhovy abmien ciełami zahinułych vajskoŭcaŭ. Jon išoŭ praź Biełaruś

«Raźjazdžalisia prosta pa tratuarach». Kala novaha stadyjona paśla matča adbyŭsia kałaps2

Ukraincy nanieśli ŭdar vysokadakładnymi snaradami pa bazie rasijskich vojskaŭ u Kurskaj vobłaści VIDEA1

Śpiecsłužby vychodziać na kantakt z aktyvistami praz fejsbuk: što viadoma i jak siabie abaranić1

Minzdaroŭja baicca, što pakistancy pryviazuć u Biełaruś lichamanki Krym-Konha i Čykunhuńja8

Videa, u jakim kiraŭnik Kryčava prasiŭ žycharoŭ achviaravać na prypynki, vydalili paśla rezanansu1

Ad 5 rubloŭ za štuku i bukiety da 45 rubloŭ. Na Kamaroŭcy zaćvili pivoni

Na terytoryi Biełarusi zabłakavali tyktok-kanały Cichanoŭskaj i Łatuški15

Łatvija razvaročvaje pasažyrskija aŭtobusy i viartaje ich u Biełaruś. Voś u čym pryčyna16

bolš čytanych navin
bolš łajkanych navin

Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom1

Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom

Hałoŭnaje
Usie naviny →

Zaŭvaha:

 

 

 

 

Zakryć Paviedamić