U biełaruskaj kulturnaj prastory skrali boks z danatami na dapamohu Ukrainie
U biełaruskaj kulturnaj prastory CreateCulture Space u Vilni chtości skraŭ danat-boks, u jakim źbirali hrošy na dapamohu Ukrainie. Zaraz šukajuć čałavieka, jaki trapiŭ u abjektyŭ kamiery.
Adbyłosia ŭsio ŭ minułuju niadzielu ŭ 14:52.
«Zvyčajna pa niadzielach my nie pracujem, − raspaviała «Našaj Nivie» dyrektarka CreateCulture Space Taćciana Štejnbuk. — Ale na hetych vychodnych naša kamanda prymała ŭdzieł u mižnarodnym konkursie 48HFP. Ź piatnicy pa niadzielu išoŭ tvorčy praces: ludzi abmiarkoŭvali idei, pisali scenaryi, zdymali videa».
Ludziej było šmat, ale jany znachodzilisia ŭ roznych pamiaškańniach: niechta ŭ asnoŭnaj zale, niechta ŭ studyi. Uvachodnyja dźviery nie začynili — nichto navat nie padumaŭ pra toje, što moža zajści starońni. Danat-boks zaŭsiody stajaŭ kala samaha ŭvachoda na stale administratara.
«Nikoli nie było takoha, kab niechta sprabavaŭ zabrać hetuju karobku, — skazała Taćciana. — Tym bolš što kamiera ŭ nas ustalavana jakraz nasuprać uvachodnych dźviarej. Jość i papiaredžańnie, što viadziecca videanazirańnie. Dziŭna, što mužčyna, jaki skraŭ boks, nie zaŭvažyŭ ni papiaredžańnia, ni kamieru».
Jakaja dakładna suma była ŭ boksie, skazać niemahčyma: tam było šmat maniet i kupiury pa 5, 10, 20 jeŭra. CreateCulture Space užo źviarnulisia pa dapamohu ŭ litoŭskuju palicyju. Ale tych, chto paznaŭ mužčynu na skrynšocie ź videa, jakoje źniała kamiera, prosiać taksama paviedamić administracyi prastory.
Čytajcie taksama:
U Klimavičach zładziei skrali siejf z dalarami i źniali videa, jak jaho ŭzłamali
Salihorac skraŭ dla žonki kurtku, a toj jana nie spadabałasia
Biełarus pastaviŭ fotapastku, kab ničoha nie skrali z budoŭli. Skrali fotapastku
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary