Kazachstan uvodzić zabaronu na ŭjezd zamiežnikaŭ, jakija krytykujuć krainu
U Kazachstanie jość rejestr zamiežnikaŭ, jakija vajaŭniča nastrojenyja suprać krainy. Ale chto ŭ im znachodzicca, dakładna nieviadoma.
«Tyja, chto ŭ im znachodzicca, nie zmohuć zajechać na terytoryju našaj krainy», — zajaviŭ aficyjny pradstaŭnik MZS Kazachstana Ajbiek Smadzijaraŭ, nie adkazaŭšy, chto znachodzicca ŭ śpisie niepažadanych asob i kolki tam ludziej.
«Naturalna, my hety śpis viadziom. Ale heta pracoŭny śpis i my jaho vydavać nie budziem. Kolkaść taksama nie mahu nazvać. Zakryvajucca miežy, i hety čałaviek nie zmoža zajechać», — skazaŭ Smadzijaraŭ.
Pra hety rejestr jon zhadaŭ u adkaz na pytańnie žurnalista pra rasiejskaha endakrynołaha Illu Mahieru, jaki pahražaje Kazachstanu vajnoj. Viadomy doktar z bolš čym miljonam padpisčykaŭ apublikavaŭ pravakacyjnaje videa na svajoj staroncy ŭ instahramie.
«Vialikaje pryvitańnie ad mianie doktaru-endakrynołahu ź vialikaj miljonnaj aŭdytoryjaj. Chaj lepš jon ludziej lečyć i zajmajecca svajoj prafiesijaj, čym vykazvaje niepatrebnyja rečy. U nas z Rasijaj vielmi dobryja adnosiny, dobrasusiedskija, i my pracujem jak družalubnyja stratehičnyja dziaržavy», — dadaŭ Smadzijaraŭ.
Illa Mahiera zajaviŭ, što Rasija pabudavała Kazachskuju akademiju navuk, pradpryjemstvy, kasmadrom, 40 haradoŭ i tysiačy škoł, vychavała ŭsich navukoŭcaŭ, narodnych artystaŭ Kazachstana.
«Impieryja tabie nie padabajecca? Kazachstan ja nie adroźnivaju ad Rasii, usio dziacinstva tam pravioŭ. Ale z-za takich miarzotnikaŭ, jakija razhojdvajuć łodku, my sapraŭdy dałučymsia da vajny», — adkazaŭ rasijanin na kamientar adnoj kazachstanki.
Taksama varta zaznačyć, što ŭ Kazachstanie admianili kancerty humarysta Maksima Hałkina.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary