«Kali ŭžo piać chvilin nie prasiŭ miljarda dalaraŭ dapamohi». Mask apublikavaŭ ździeklivy miem pra Zialenskaha
Miljarder Iłan Mask spravakavaŭ novy skandał, apublikavaŭšy ŭ sacsietcy X miem pra prezidenta Ukrainy Uładzimira Zialenskaha, jaki miažuje z abrazaj.
Ukrainskija ŚMI pišuć, što vyjava staraja, ale da miema dadadzienyja słovy: «kali prajšło piać chvilin, a ty nie paprasiŭ dapamohi ŭ miljard dalaraŭ».
Dyskusija ab vajskovaj i finansavaj dapamozie Kijevu znoŭ aktualizavałasia na minułym tydni ŭ suviazi z šatdaŭnam, jakoha zmahła paźbiehnuć biudžetnaja sistema ZŠA.
Prezident Džo Bajden padtrymaŭ prajekt časovaha biudžetu, jaki nie ŭklučaje dapamohu Ukrainie, ale vyklučyŭ, što amierykanskaja padtrymka Ukrainy budzie pierapynienaja.
Mask nieadnarazova adyhryvaŭ prykmietnuju rolu ŭ vajnie va Ukrainie, u tym liku hibrydnaj.
Kupiŭšy Twitter, jon źmiakčyŭ abmiežavańni dla rasijskich prapahandysckich akaŭntaŭ. Uletku skandał uźnik, kali Mask atrymaŭ ad uładaŭ Ukrainy ekstrany zapyt na aktyvacyju Starlink «na ŭsim šlachu da Sievastopala».
Mask vykazaŭ zdahadku, što Ukraina choča «patapić bolšuju častku rasiejskaha fłotu, jaki stajaŭ na jakary», i adchiliŭ zapyt.
Kamientary
Čym dalej, tym bolš niezadavolenaści budzie vykazvać Zachad. Sačycie za vybarami.