U Vialikabrytanii niekalki čałaviek zarazilisia nievylečnaj infiekcyjaj. Adna z krynic zaražeńnia — Biełaruś
Nacyjanalnaje ahienctva achovy zdaroŭja Vialikabrytanii vyjaviła pieršyja vypadki pieradačy brucelozu ad sabak da ludziej, čaho raniej u krainie nikoli nie nazirałasia. U spravie, jak vyjaviłasia, zamiašanaja i Biełaruś, a lekaŭ ad chvaroby nie isnuje.
Adrazu niekalki zachodnich ŚMI sa spasyłkaj na Nacyjanalnaje ahienctva achovy zdaroŭja Vialikabrytanii dniami paviedamili ab pieršych viadomych u krainie vypadkach raspaŭsiudžvańnia siarod ludziej novaha štamu bakteryjalnaha zachvorvańnia Brucella canis, jakoje zvyčajna nazirajecca ŭ sabak z Uschodniaj Jeŭropy. Ad jaho niama lekaŭ, i jano vyklikaje ŭ žyvioł biaspłodździe.
Jak, naprykład, piša vydańnie Liverpool Echo, samy pieršy viadomy vypadak chvaroby ŭ krainie adbyŭsia z brytankaj Vendzi Chaes, žycharkaj horada Stok-an-Trent, što niepadalok ad Livierpula.
Vendzi Chaes jašče viasnoj 2022 hoda ŭziała da siabie sabaku-ratavalnika pa mianušcy Muša (adna ź vidaŭ niamieckaj aŭčarki), jakaja była ŭvieziena ŭ Vialikabrytaniju ź Biełarusi praz dapamohu śpiecyjalnaj supolnaści pa vyratavańni žyvioł u krainach Uschodniaj Jeŭropy. Paśla hetaha adrazu stali adbyvacca «žudasnyja rečy».
«Muša była ciažarnaja, i ŭžo na treci dzień jaje źjaŭleńnia ŭ maim domie ź joj pačali adbyvacca pa-sapraŭdnamu žudasnyja rečy. U jaje raptam pačalisia vykidyšy. Jana litaralna chadziła pa ŭsim domie, raznosiačy šmat kryvi i cieły svaich dvuch ščaniat, jakich ja nie zdoleła vyratavać. Mienavita tady ja, mahčyma, i padchapiła nieviadomuju chvarobu, chacia pieršapačatkova dumała, što heta šalenstva», — raspaviała Chaes.
Paśla hetaha, jak raskazała žančyna, jana trapiła ŭ balnicu z vysokaj tempieraturaj, dryžykami, mocnymi kurčami i hałaŭnym bolem, a taksama bolami ŭ śpinie i nizkim arteryjalnym ciskam.
Chaes na niekalki dzion adpravili na karancin, a ŭsich jaje sabak, uklučajučy Mušu, usypili.
«Usich piacioch sabak usypili, i žyćcio jak byccam syšło z majho doma. Jany byli ni ŭ čym nie vinavatyja, u adroźnieńnie ad urada, jaki nadaŭ niedastatkova ŭvahi sanitarnamu kantrolu na miažy», — paskardziłasia žančyna.
Z tych samych časoŭ padobnyja vypadki zaražeńnia siarod ludziej i sabak stali źjaŭlacca čaściej.
Jak adznačyła ahienctvu Telegraph hałoŭnaja vieterynarnaja śpiecyjalistka Vialikabrytanii, doktarka Kryścin Midłmis, u krainie vyjavili jašče niekalki zaražanych novym štamam ludziej i amal sotniu (91 vypadak) zaražanych sabak tolki za hety hod.
«Chvaroba ciapier raspaŭsiudžvajecca praz brytanskija hadavalniki i ŭpieršyniu sustrakajecca pieravažna ŭ brytanskich sabak, častka ź jakich mahła raniej ustupić u pałavuju suviaź z zaviezienymi ź inšych krain sabakami.
Zaražanych ludziej mała, simptomy i zaraznaść siarod ludziej nizkija, adnak usia hetaja situacyja dla nas novaja. Fakty pieradačy infiekcyi pamiž ludźmi nie byli zafiksavanyja», — padzialiłasia doktarka Kryścin Midłmis.
Što takoje ŭvohule Brucella canis (bruceloz) i jakaja ź im situacyja ŭ Biełarusi i śviecie?
Brucella canis, ci prosta bruceloz — heta vostraje nievylečnaje i chraničnaje zachvorvańnie, jakoje ŭ zaležnaści ad raznavidnaści bakteryi moža sustrakacca ŭ roznych žyvioł i navat ludziej.
Słova canis u naźvie bakteryi aznačaje, što hetaja raznavidnaść paražaje sabak. Isnujuć taksama i Brucella ovis (u baranoŭ), Brucella suis (u śviniej), Brucella ceti (u kitoŭ) i mnohija inšyja.
Chvaroba ŭ ludziej zvyčajna praciakaje biez surjoznych nastupstvaŭ, adnak mohuć uźniknuć prablemy z sercam, kryvioj, cełasnaściu kaściej i tkanak hałaŭnoha mozha. Ale ŭ vypadku žyvioł hetaja chvaroba pryvodzić da vykidyšaŭ, biaspłodździa, a časam i śmierci.
Bruceloz zvyčajna raspaŭsiudžany tam, dzie prymianiajucca niedastatkovyja i nieefiektyŭnyja miery vieterynarnaha kantrolu. Jak piša zaapartał 1vet.by, u Biełarusi nie vykarystoŭvajuć śpiecyfičnyja miery prafiłaktyki brucelozu (užyvańnie žyvych vakcyn ź inšych štamaŭ zachvorvańnia), što aznačaje harantavany zaboj luboj chvoraj žyvioliny.
U śviecie ŭ siarednim štohod adbyvajecca ad 500 tysiač zaražeńniaŭ brucelozam siarod ludziej. Minimalnaja kolkaść prypadaje na raźvityja krainy Jeŭropy i ZŠA.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary