U Šviejcaryi skončyŭsia sud nad byłym bajcom «eskadrona śmierci» Haraŭskim
U sudzie kantona Sankt-Halen u Šviejcaryi skončyŭsia sud nad Juryjem Haraŭskim, jaki pryznaŭsia ŭ datyčnaści da vykradańnia i zabojstva apazicyjnych palitykaŭ kanca 1990-ch hadoŭ: byłoha ministra MUS Juryja Zacharanki, staršyni CVK Viktara Hančara i biznesoŭca Anatola Krasoŭskaha. Prysud vyniesuć na praciahu nastupnaha tydnia.
Siońnia Haraŭski prynios prabačeńni rodnym vykradzienych i zabitych palitykaŭ. Ich jon chutka začytaŭ z arkuša papiery, jak piša DW.
«Pavažany sud, vy zaraz budziecie prymać rašeńnie. Kali vy vyniesiecie surovaje rašeńnie, to bolš nichto ŭ śviecie nie budzie paviedamlać pra złačynstvy ŭłady.
Ja prašu prabačeńnia ŭ blizkich i svajakoŭ zahinułych, raźličvaju na spraviadlivaje pakarańnie šviejcarskaha suda», — skazaŭ jon.
Sudździa paviedamiŭ, što vierdykt budzie abvieščany na nastupnym tydni.
Prakuratura Šviejcaryi abvinavaciła eks-bajca SACHRa ŭ datyčnaści da hvałtoŭnaha źniknieńnia ludziej. Aceńvać sapraŭdnaść jaho słoŭ buduć sudździa i dva prysiažnyja zasiadacieli. Kali jany pryznajuć Haraŭskaha vinavatym, heta stanie abvinavaŭčym prysudam i dla biełaruskaha režymu, jak ličać jurysty.
«Kali vam stała zrazumieła, što Zacharanku źbirajucca zabić?» — «Kali Paŭličenka streliŭ u jaho». Haraŭski daje pakazańni
Jak vyhladaje miesca mahčymaha zabojstva Hančara i Krasoŭskaha pad Biahomlem FOTA
«Mašyna była na hłybini adnaho mietra». Jak u 2001 hodzie raskapali džyp Krasoŭskaha
Eks-śpiecnazaviec Juryj Haraŭski adkazaŭ na abvinavačvańni ad Paŭličenki ŭ chłuśni
Dźmitryj Paŭličenka vystupiŭ z aficyjnaj zajavaj nakont abvinavačvańniaŭ u zabojstvach palitykaŭ
«Ja nie davaŭ takoj kamandy». Łukašenka prakamientavaŭ spravu źnikłych palitykaŭ
«Jany stralali ŭ śpinu»: dačka Zacharanki sustrełasia z eks-bajcom śpiecnazu Juryjem Haraŭskim
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary