Čarhovaja abłava na Homielščynie — HUBAZiK pakazaŭ jašče dzieviać zatrymanych
Niekatorym ź ich šyjuć kryminalnyja spravy.
Na videa HUBAZiKa ŭsich ludziej davoli brutalna zatrymlivajuć, niekatorych mužčyn kładuć tvaram na ziamlu, dla zatrymańnia niaŭzbrojenych ludziej siłaviki całkam ekipiravanyja. Pad abłavu trapili žychary Homiela, Žłobina i Rečycy.
Častku zatrymanych vinavaciać u padpiskach na niezaležnyja miedyja i inšyja pryznanyja «ekstremisckimi» resursy. Dvaich zatrymanych vinavaciać jašče i ŭ tym, što jany pakidali kamientary, a adna žančyna na videa kaža, što dasyłała ŭ telehram-boty infarmacyju pra pierasoŭvańnie rasijskaj vajskovaj techniki.
Adnu z zatrymanych apaznaŭ «Fłahštok» — heta viadomaja homielskaja viełaaktyvistka Śviatłana Karol.
Asoby inšych pakul nieviadomyja.
Paviedamlajecca, što suprać niekatorych zatrymanych zaviali kryminalnyja spravy.
«Naša Niva» — bastyjon biełaruščyny
PADTRYMAĆ
Kamientary