U Barysavie prajšoŭ matč rasijskaj futbolnaj miedyjalihi. Amal anšłah
U hetym turniry niama biełaruskich kamandaŭ, ale matč dźviuch rasijskich kamandaŭ adbyŭsia ŭ Barysavie.
Siońnia na «Barysaŭ-Arenie» prajšoŭ matč hrupavoha etapu miedyjalihi — tak nazyvajecca futbolny turnir, u jakim udzielničajuć byłyja futbalisty, błohiery i sielebryci.
«Amkał» hulaŭ z «Sachalincam». Jak zajaŭlali ŭ sacsietkach lihi, usie kvitki na hulniu byli raskuplenyja. Chacia na trybunach chapała volnych miescaŭ, kolkaść hledačoŭ uražvaje.
«Barysaŭ-Arena» — stadyjon futbolnaha kłuba BATE, jaki moža ŭmiaścić 13 tysiač hledačoŭ. Apošni matč barysaŭskaha kłuba na arenie naviedali pa pratakole 3615 čałaviek, ale zvyčajna heta statystyka zavyšanaja.
Pierad hetym siezonam miedyjalihi była stvoranaja biełaruskaja kamanda «D-Media», u jakuju ŭvajšli viadomyja ŭ minułym hulcy kštałtu Stanisłava Drahuna i Vitala Radzivonava. Ale joj nie ŭdałosia prabicca ŭ čempijanat, jana vybyła ŭ stykavych matčach.
-
Narviežac Jochanes Kleba staŭ siamirazovym alimpijskim čempijonam. Da rekorda zusim blizka
-
Hanna Karalova nie trapiła ŭ tryccatku najmacniejšych u kvalifikacyi spryntu
-
«Ja ni pra što nie škaduju. Ja pasprabavała, maryła». Lindsi Von upieršyniu prakamientavała svajo žachlivaje padzieńnie na Alimpijadzie
Kamientary