Pad Rečycaj pjany muž abliŭ svaju byłuju žonku bienzinam i kinuŭ zapałku
Za žyćcio paciarpiełaj zmahajucca miedyki, a mužčynu zatrymali.
Žudasnaje złačynstva adbyłosia 12 vieraśnia ŭ vioscy Bronnaje. Ranicaj pastupiła paviedamleńnie pra pažar, na miesca vyjechali ratavalniki, milicyja i chutkaja. Adrazu stała zrazumieła — padpał byŭ naŭmysny, paviedamlajuć Mocnyja naviny.
Z-za ahniu surjozna paciarpieła 43-hadovaja haspadynia doma, lekary dyjahnastavali kala 60% apiokaŭ cieła. Jana paśpieła paviedamić, što abliŭ jaje bienzinam były muž, jon ža kinuŭ zapałku. Tut ža ŭzialisia za jaho pošuki.
Chavaŭsia 36-hadovy padpalščyk niadoŭha, užo praź niekalki hadzin jaho zatrymali ŭ adnym z haražoŭ rajcentra.
Było ŭstanoŭlena, što muž i žonka daŭno ŭ razvodzie, ale pražyvajuć razam. U hetuju ranicu ŭ ich na hlebie reŭnaści byłoha muža adbyŭsia kanflikt. Miarkujuć, što mienavita ŭ hety momant jon uziaŭ kanistru ź bienzinam, abliŭ žančynu i padpaliŭ. Sam ža patelefanavaŭ u ekstrannyja słužby i kinuŭsia naŭcioki.
Paciarpiełaja ŭ šokavym stanie paśpieła dabiehčy da svajoj siabroŭki, dzie raspaviała, što adbyłosia. Taja i vyklikała chutkuju. Raspačataja kryminalnaja sprava, a z žančynaj, spadziajemsia, usio budzie dobra.
Ciapier čytajuć
18‑hadovaha chłopca abvinavacili ŭ admaŭleńni hienacydu biełaruskaha naroda20
18‑hadovaha chłopca abvinavacili ŭ admaŭleńni hienacydu biełaruskaha naroda
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy88
Kamientary