MUS zajaviła, što viedaje biełarusaŭ, jakija atrymali dazvoły na žycharstva za miažoj
U Ministerstvie ŭnutranych spraŭ nahadali, što 11 lipienia ŭstupili ŭ siłu źmieny i dapaŭnieńni ŭ zakon «Ab hramadzianstvie» i što nieabchodna infarmavać adpaviednyja orhany ab atrymańni DNŽ i inšych zamiežnych dakumientaŭ.
U orhanach unutranych spraŭ zajaŭlajuć, što vałodajuć infarmacyjaj pra ludziej, jakija majuć zamiežnaje hramadzianstva abo dazvoł na žycharstva. Tamu ŭ vypadku najaŭnaści vyšejzhadanych dakumientaŭ MUS rekamienduje paviedamić pra heta samastojna, kab paźbiehnuć u dalejšym adkaznaści, uviadzieńnie jakoj prapracoŭvajecca.
U MUS padkreślivajuć pra abaviazak hramadzian Biełarusi ŭ trochmiesiačny termin paviedamić ab najaŭnaści abo nabyćci hramadzianstva abo paddanstva, dazvołu na žycharstva ci inšaha dakumienta zamiežnaj dziaržavy. Havorka idzie pra dakumienty, jakija dajuć prava na lhoty i inšyja pieravahi ŭ suviazi z palityčnymi, relihijnymi pohladami abo nacyjanalnaj prynaležnaściu.
Paviedamlajecca, što zrabić heta možna niekalkimi sposabami, naprykład, na Adzinym partale elektronnych pasłuh infarmacyjnaj sistemy platform.gov.by. Dla hetaha treba papiarednie atrymać elektronny ličbavy podpis i stvaryć asabisty kabiniet na partale.
Taksama možna niepasredna źviarnucca ŭ orhan unutranych spraŭ abo dypłamatyčnaj słužby pa miescy svajho znachodžańnia. Paviedamić ab atrymańni takich dakumientaŭ možna praź sistemu ŭliku i apracoŭki zvarotaŭ hramadzian i jurydyčnych asob (zvarot.bieł) albo pry dapamozie piśmovaha zvarotu ŭ orhan unutranych spraŭ abo dypłamatyčnaj słužby.
Infarmavańnie ab najaŭnaści zamiežnaha dakumienta ažyćciaŭlajecca lubym ź pieraličanych sposabaŭ šlacham pradstaŭleńnia zapoŭnienaha błanka paviedamleńnia z kopijaj zamiežnaha dakumienta. Na sajcie MUS u padraździele «Hramadzianstva» raździeła «Formy zajaŭ. Błanki i ŭzory zajaŭ» raźmieščany formy paviedamleńnia na biełaruskaj i ruskaj movach. Zapoŭnić nieabchodna adnu ź ich na vybar.
U MUS taksama kažuć, što hramadzianie aktyŭna zajaŭlajuć ab svaich zamiežnych dakumientach. I takich užo 6500 čałaviek.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary