U Niamieččynie biełarus napaŭ z nažom na palaka z-za sprečki nakont Ukrainy i atrymaŭ salidny termin
«Ja nie chacieŭ jaho zabivać», — kaža naš suajčyńnik.
Ilustracyjnaje fota. Fota: Popular Mechanics
Sud u horadzie Frajburh-im-Brajshau asudziŭ 44-hadovaha hramadzianina Biełarusi da 3 hadoŭ i 9 miesiacaŭ turmy za toje, što ŭ studzieni toj ledź nie zabiŭ kalehu z Polščy, piša Bild.
Abodva pracavali na budoŭli na poŭdni krainy. Budučy ŭ niećviarozym stanie, biełarus šeść razoŭ udaryŭ palaka kuchonnym nažom. Paciarpiełaha apieratyŭna dastavili ŭ balnicu i vyratavali.
Na sudzie biełarus zajaviŭ, što jany abmiarkoŭvali vajnu va Ukrainie, a kaleha z Polščy nibyta pavodziŭ siabie pravakacyjna.
«Ja nikoli nie źbiraŭsia jaho zabivać», — skazaŭ jon.
Biełarus dadaŭ, što sam pakinuŭ rodnuju krainu ŭ 2022 hodzie z palityčnych matyvaŭ.
Kamientary
A čamu nie ŭ Biełarusi i za Biełaruś???
A čamu nie ŭ Ukrainie i za Ŭkrainu??
🤔