Siońnia na Uschodnim ekanamičnym forumie prezident Rasii Uładzimir Pucin vykazaŭsia pra biznesmienaŭ, a taksama dziejačaŭ hramadstva i kultury, jakija vyjechali z Rasii ŭ znak pratestu suprać vajny. Vyjaviłasia, što Pucin sočyć za Čubajsam.
Tak, Pucin skazaŭ, što nie razumieje pavodzinaŭ rasijskaha biznesmiena i čynoŭnika, byłoha kiraŭnika Rasnana Anatola Čubajsa, jaki z pačatkam vajny źbieh u Izrail. Prezident Rasii skazaŭ, što bačyŭ fatahrafiju Čubajsa ŭ Izraili i viedaje, što toj źmianiŭ imia.
«Toje, što Anatol Barysavič tam čamuści chavajecca. Mnie pakazali bujnyja fatahrafii ź internetu, dzie jon užo nie Anatol Barysavič Čubajs, a Mojša Izrailevič. Navošta jon heta robić? Ja nie razumieju, čaho jon uciok?
Tam, razumiejecie, moža być źviazana jašče z tym, što iduć składanyja pracesy ŭ hetaj struktury nanatechnałohij, jakuju jon uznačalvaŭ doŭhija hady, i tam vialikaja dzirka, vielizarnaja finansavaja dzirka, vialikija ličby… Ale tam, dziakuj bohu, niama niejkich kryminalnych spraŭ, pieraśledu. Moža być, z hetym źviazana, što jon baicca, što ŭ kančatkovym vyniku heta ŭsio pryviadzie da ŭźniknieńnia niejkich kryminalnych spraŭ.
Tamu ŭ Izraili navat pierajšoŭ na nielehalnaje stanovišča. Nafiha jamu heta treba, ja, ščyra kažučy, nie razumieju», — skazaŭ Pucin.
Maderatar, namiakajučy na kadebešny dośvied Pucina, na hetyja słovy zaŭvažyŭ: «Mierkavańnie čałavieka, jaki pracavaŭ u Drezdenie».
-
Pucin zajaviŭ, što zamiest kiraŭnika CRU achvotniej budzie pieramaŭlacca z Uitkafam i Kušnieram
-
Pašynian zajaviŭ, što Armienija nie budzie pravodzić refierendum ab siabroŭstvie ŭ ES
-
Nivodzin z novych spadarožnikaŭ, jakija prezientujucca jak rasijski anałah Starlink, pakul nie vyjšaŭ na naležnuju arbitu
Kamientary